麥明記

營業中

休息中

當日出左港島有點事做，而屋企人又咁岩想食好味既雲吞面，咁最後就搵左間曾經拎過米芝蓮既傳統面鋪試下。當日二點幾鐘去到鋪頭，唔洗等位就入得，咁我地幾個人就叫左一碗大蓉，一碗細蓉，鮮蝦雲吞撈面同埋蝦子撈面，而小食就叫左個炸鯪魚球同炸雲吞。咁最快黎到既係雲吞撈面同蝦子撈面，屋企人就表示面質好好食，絕對唔係出邊可以食到既面質黎，雲吞比較細隻，但幾鮮味。而蝦子撈面既蝦子好香，蝦子既咸香同幼面非常搭配。而其後黎既係大蓉同細蓉，清甜既大地魚湯搭配住幼面，的確好夾，但份量相對其他面鋪真係幾細，大蓉同細蓉既份量差唔到好多，建議都係叫細蓉好過。而炸雲吞炸起個皮幾酥脆，蝦味十足，而炸鯪魚球鮮味可口，最特別係蜆介醬第一次真係見到有原隻蜆係醬到呢！但係價錢上就相對地比較貴，如果便宜一點就更好啦！