Isola Bar & Grill (已搬遷) 新店位置

呢排應該行緊食運，今日又有老細請食semi－buffet lunch啦！因為午飯時間有限，所以失禮D都要，諗住攞一轉算數，所以一去buffet bar就攞晒想食嘅嘢，其實佢嘅沙律冷盤都幾多選擇，我都係選擇性咁攞，個碟已經迫過籠屋，返埋位時駝鳥精神，我唔望人，人哋都望唔到我碟自助山嘅！講番我有食嘅頭盤先，mozzarella cheese軟綿夠水潤，味道清淡，配搭番茄酸甜味非常好。大蝦肉質爽口扎實，蝦身殼已剝，方便食客。哈蜜瓜就撞手神，同事話唔係件件都甜，不過都非常新鮮。沙律菜都好新鮮，沙律類有藜麥，青瓜，通粉，紅菜頭，燈龍椒各樣各樣。。。主菜我揀咗lamb short ribs，賣相不大討好，羊味頗濃郁，肉質都好腍好嫩，不過就比較多羊肥膏，所以感覺好漏吓。伴碟嘅茄子卷係搽咗新鮮蕃茄蓉再煮，味道一般，而且比較油膩，墊底菠菜有D鞋口而且煮得太過爛溶。同事話佢嘅豬臉肉雖然好腍，但係都非常漏，賣相同味道都係一般。甜品只能選擇最吸引我嘅朱古力蛋糕，因為一個人食晒一件已經邪惡到極！好彩我都無揀錯，面層朱古力漿好濃厚，蛋糕夠濕潤，如果能配多一球雪糕食就更完美啦！咖啡香味唔算濃，味道偏苦，水準一般。整