影片
更多
2024-11-20
187 瀏覽
今日嚟咗駱駝漆食泰式fusion菜 餐廳空間感十足 仲有d流水波波燈 睇落又靚坐得又舒服 而且餐廳設有兩間獨立箱房 啱哂成班朋友包房一齊食住泰菜咁唱K打牌同玩switch 同朋友一致認為呢個泰西六宮格盒子下午茶餐 (2人餐) 幾吸引 包咗主食 六客格盒子同特飲 主食泰式豬頸肉炒金邊粉豬頸肉唔會乾柴 金邊粉食落酸酸甜甜 加埋芽菜 扎肉同蛋一齊炒好入味 旁邊仲有花生碎可以撈埋一齊食六宮格盒子脆炸洋蔥圈 脆炸薯格 泰式炸雞 七味雞軟骨 熊仔椰汁米線 芒果雙色糯米飯炸物即叫即炸 上枱個陣仲熱辣辣又脆口 最鍾意係雞軟骨 份量十足又惹味 椰汁米線就係平時飲珍多冰入面嘅綠色粉條 質感爽滑 而芒果糯米飯就口感煙韌 芒果仲好甜!特飲 冰鎮卡通泰奶茶奶味醇香而且唔會太甜 仲有卡通係上面好啱打卡士多啤梨益力多沙冰益力多嘅甜中和咗微酸嘅士多啤梨 飲落夠哂透心涼
同朋友一致認為呢個泰西六宮格盒子下午茶餐 (2人餐) 幾吸引 包咗主食 六客格盒子同特飲
主食
泰式豬頸肉炒金邊粉
豬頸肉唔會乾柴 金邊粉食落酸酸甜甜 加埋芽菜 扎肉同蛋一齊炒好入味 旁邊仲有花生碎可以撈埋一齊食
六宮格盒子
脆炸洋蔥圈 脆炸薯格 泰式炸雞 七味雞軟骨 熊仔椰汁米線 芒果雙色糯米飯
炸物即叫即炸 上枱個陣仲熱辣辣又脆口 最鍾意係雞軟骨 份量十足又惹味 椰汁米線就係平時飲珍多冰入面嘅綠色粉條 質感爽滑 而芒果糯米飯就口感煙韌 芒果仲好甜!
特飲
冰鎮卡通泰奶茶
奶味醇香而且唔會太甜 仲有卡通係上面好啱打卡
士多啤梨益力多沙冰
益力多嘅甜中和咗微酸嘅士多啤梨 飲落夠哂透心涼
張貼
