木金餃子製作所 (已結業)

本身係諗住去駱駝漆一座6/F，有人帶錯路，黎左三座6/F，唔想再搭lift行黎行去，就錯有錯著食餃子🥟！店面只有一位員工，可能因為咁工作量較多，店員好似唔太想同人講野…食物方面揀左特色口味，和風咖哩豚肉餃+ 黑松露芝士豚肉餃，配西式南瓜奶油湯。咖哩豚餃好香咖哩味，少少辣辣地。而松露餃呢，松露味同芝士都唔算太特出，係淡淡既松露香，不過勝在佢地既肉質新鮮搭救，肉質鮮而多汁，無豬肉蘇味。如果松露芝士味再重多少少更好！南瓜湯質地較杰身，口感綿滑淡淡南瓜香味道，個人覺得剛好，如果湯太出會搶走餃子風頭。