豊洲水産海鮮丼専門店 (已結業)

係香港食過好多日本嘢，別論價錢，總係食唔番係日本地到既鮮甜魚生。今次黎豐洲水產試下，真係有驚喜。我叫左個飛天黑鮪大滿貫丼，$298，有三件黑鮪赤身，三件中toro，三件大toro，仲有魚腩蓉，黑鮪toro不愧係招牌刺身，厚厚大切，入口即融，鮮甜係口腔停留，回味無窮！唔知咩係靚刺身，呢度你食過就知！配埋圓潤既日本飯，真係大滿足！另外500g既海鮮丼，$248，都絶不欺場，有黑鮪中拖羅、黑鮪赤身、黑鮪魚腩蓉、三文魚子、飛魚子、油甘魚、三文魚、松葉蟹肉、玉子蛋卷、醋鯖魚、牡丹蝦、響螺片、帶子，真係包羅萬有，件件貨真價實！自家製既鰻魚蛋卷亦都係水準之作！蛋香軟滑。豚肉湯烏冬你都不要少看，用上日本彈牙烏冬，多葱，配日本半肥瘦豬肉同香菇，味道清香。見有款特色嘢飲，薏米西米豆漿，睇落幾新奇，飲落味道又幾夾。款款食物都食出好用心，我食完都好開心。