影片
更多
2011-04-08
146 瀏覽
喜萬年係一間廣為人知既老字號，連遊客對佢都好熟識，但居然土生土長既XO仔就從未聽過，請我黎既契爺都感到好意外。講真嗰句，用得「老牌酒家」黎形容，重要咁多外國人幫襯，心想唔方好得去邊啦，點知… 今次真係跌哂眼鏡！環境衛生：喜萬年喺軒尼詩道同駱克道都有門口入；代客泊車要去駱克道嗰邊。酒樓喺一樓，可以選擇行樓梯或者搭「車立」；佢兩部「車立」都好夠位架，我地成圍枱十二人都坐得落有餘。樓上室內裝修好似幾新吓，帶有中國味得黎又唔係話好老套，望落都算順眼既，最緊要係打理得乾乾淨淨，冇乜宿味。當晚我地嗰間貴賓房又有廳又有私人洗手間，好闊落好舒服。服務：好多時舊式酒樓嗰Ｄ姐姐仔都好高傲，不過喜萬年嗰Ｄ招呼真係好好，姐姐們既態度好誠懇，經理得閒重會走入黎睇下大家食成點。貴賓房內大部份時間有兩個人負責煲野，分餸，換碟，真係好忙碌；唯一可以挑剔既係佢地既斟酒速度唔夠快，好多時都要自己黎。味道： 喜萬年乳豬全體：對電燈眼閃下閃下，差Ｄ重以為自己去左飲，製作非常認真。乳豬皮又薄又脆；唔知係隻豬唔肥定係廚房幫我地去哂Ｄ肥呢？完全冇肥膏，食落覺得好健康。我地食乳豬皮時，姐姐仔就帶上手套慢慢剪哂其餘既豬手，豬腳，同豬肉
環境衛生：
喜萬年喺軒尼詩道同駱克道都有門口入；代客泊車要去駱克道嗰邊。酒樓喺一樓，可以選擇行樓梯或者搭「車立」；佢兩部「車立」都好夠位架，我地成圍枱十二人都坐得落有餘。樓上室內裝修好似幾新吓，帶有中國味得黎又唔係話好老套，望落都算順眼既，最緊要係打理得乾乾淨淨，冇乜宿味。當晚我地嗰間貴賓房又有廳又有私人洗手間，好闊落好舒服。
服務：
好多時舊式酒樓嗰Ｄ姐姐仔都好高傲，不過喜萬年嗰Ｄ招呼真係好好，姐姐們既態度好誠懇，經理得閒重會走入黎睇下大家食成點。貴賓房內大部份時間有兩個人負責煲野，分餸，換碟，真係好忙碌；唯一可以挑剔既係佢地既斟酒速度唔夠快，好多時都要自己黎。
味道：
喜萬年乳豬全體：對電燈眼閃下閃下，差Ｄ重以為自己去左飲，製作非常認真。乳豬皮又薄又脆；唔知係隻豬唔肥定係廚房幫我地去哂Ｄ肥呢？完全冇肥膏，食落覺得好健康。我地食乳豬皮時，姐姐仔就帶上手套慢慢剪哂其餘既豬手，豬腳，同豬肉件比我地食，真係噔佢手軟！豬肉既肉質好嫩，而且好夠味，正斗到我地成碟乳豬清哂，喜萬年之清碟推介！
金錢雞拼玻璃蝦球：真係大鄉里，個餸黎到先知原來金錢雞唔係雞，而係一款用肥豬肉，瘦肉，豬肝，雞肝燒製成既菜式。聽Ｄ長輩講，依味咁高卡路里既金錢雞好多地方都唔做架啦，要去Ｄ舊式燒臘舖先可能有得食。金錢雞味道香濃，雖然話有肥豬肉，但係一Ｄ都唔肥膩，又唔溜！Ｄ肝一過熟就會變得又硬又乾，當晚既金錢雞完全冇依個問題，質感軟熟唔乾，証明時間掌握得好好。依味餸真係好啱身為內臟粉絲既XO仔食，今次有機會食倒，真係有口福。外表晶瑩剔透既玻璃蝦球都好鮮甜爽口，不過因為金錢雞實在太精彩，大大隻既玻璃蝦球也只能淪為大配角。必吃懷舊推介。
紅燒蟹黃大生翅：連煲滾住黎上，保證熱辣辣。翅既份量好足，而且好粗，非常得體。白色既蟹肉好甜；意外地幼嫩既蟹黃唔係好溜，煮功細膩得黎好犀利，讚！細膩推介。
天婦羅虎斑球：融入左日式烹調方法，好有新鮮感。賣相可能唔係特別吸引，不過食落就知好野黎既。層炸粉夠薄，所以整體非常之鬆化香脆，入口毫不油膩，魚肉嫩滑無比，似乎中國功夫比日本功夫更勝一疇，全場拍手叫絕。Chinese Kungfu推介！
涼瓜生筋炆頭腩：頭腩炆得好夠乾身，食落一Ｄ都唔覺油。連苦瓜生筋都好入味；苦瓜fans們話Ｄ苦瓜好甘香wor。
蠔皇鮑角扣鵝掌：鮑角腍滑鮮甜彈牙，大大隻既鵝掌亦好軟滑，個汁濃郁得黎絕不過咸，好味！
潮蓮脆皮燒鵝：好食過中環間X記鵝姑囉，簡值係唔同級數呀。好多人食燒味都鍾意選擇髀肉，相反地怕骨既XO仔就只吃胸肉，最容易嚡既部位。真係鵝如其名，好脆皮，唔需要點任何醬汁，隻鵝都已經好好味。燒鵝雖然大隻，但連胸肉既肉質都好鮮嫩鬆軟，咬落重有肉汁，非常之難得。個人認為此乃全港最好食之燒鵝，更可稱得上為燒鵝之冠！港鵝推介！
菜心薑米粥：經理介紹一款比較清淡既單尾；食完咁多肉，食返個粥好似冇咁滯。唔知係咪Ｄ薑既作用呢，唔洗人掃，好快就有風出，好舒服（大家唔好誤會，我指既係由個口出黎嗰Ｄ氣）。單尾推介！
欖菜肉碎炒蘭度：好有鑊氣既一味，翠綠既蘭度好爽甜，欖菜肉碎亦都好夠味，用黎餸粥一流。餸粥推介！
蛋白杏仁露：真係high爆，姐姐仔攞埋碗蛋白喺我地面前煲製。所以雖然食到好飽，見佢咁有心機慢慢攪，小弟都好捧場地食左碗。熱辣辣好暖胃，唔係好甜，而且好滑。四式甜美點：個肚既空位實在有限，所以當晚只係揀選左自己最愛既杞子桂花糕黎食；味道清香爽甜，甜品之撲鼻推介。
合時鮮果盤：當晚已經飽到冇人食得落生果，所以最怕浪費既小肥就攞哂返屋企第二朝渣汁做早餐。杯果汁好似打左針咁甜，正！
後記：雖然相中餐飯已經係舊年食，不過大家唔洗驚資料過時，因為喜萬年已經成為契爺既新飯堂，所以我每個月都會有機會去檢測住佢既水準，一有閃失，我會立刻會報。
張貼
