影片
更多
2010-01-31
18 瀏覽
與男朋友慶祝週年紀念，男朋友懶得諗，知我又嘴饞，要我拍板，想找一個地方遠離繁喧，可以安安靜靜享受2人世界，唔知點解第一時間就諗到數碼港，上黎Openrice，睇到呢間既食評唔錯，雖然，明知呢個係Food Court，不過始終係高尚地區既Food Court，應該唔怕掛，一於去馬!!果晚，果然成晚全場都係得我同男朋友，坐係Bar檯，唔講仲以為包左場 ( 如果係都幾浪漫, 嘻!)環境 (相片1)雖然係Food Court，但係師傅話夜間特登再搵d日式屏風再間起成間餐廳，而且Food Court 入面其他食肆都關門，所以好似成個空間都係呢間餐廳，而且杯樓頂又高，地方好乾淨，身處在數碼港既Food Court 的確係高人一等，唯一要唔滿意就真係遠左d lor~~ 呵食物平時HK$980，2人鐵板餐可以食d咩，去x角果d地方俾得你食和牛同鵝肝都唔會靚得去邊，不過，我可以好肯定佢地果d一定係用靚料用新鮮既材料，總要一提，同廚師傾開計，原來佢地係師承 "千登世" ，食開正宗鐵板燒既朋友，應該都識"千登世"，以前"千登世"食一個lunch都要$300~$500一個架，依家"千登世"全線退出香港，真係有
男朋友懶得諗，知我又嘴饞，要我拍板，
想找一個地方遠離繁喧，可以安安靜靜享受2人世界，
唔知點解第一時間就諗到數碼港，
上黎Openrice，睇到呢間既食評唔錯，
雖然，明知呢個係Food Court，不過始終係高尚地區既Food Court，應該唔怕掛，一於去馬!!
果晚，果然成晚全場都係得我同男朋友，坐係Bar檯，唔講仲以為包左場 ( 如果係都幾浪漫, 嘻!)
環境
(相片1)
雖然係Food Court，但係師傅話夜間特登再搵d日式屏風再間起成間餐廳，而且Food Court 入面其他食肆都關門，所以好似成個空間都係呢間餐廳，而且杯樓頂又高，地方好乾淨，身處在數碼港既Food Court 的確係高人一等，唯一要唔滿意就真係遠左d lor~~ 呵
食物
平時HK$980，2人鐵板餐可以食d咩，去x角果d地方俾得你食和牛同鵝肝都唔會靚得去邊，
不過，我可以好肯定佢地果d一定係用靚料用新鮮既材料，總要一提，同廚師傾開計，原來佢地係師承 "千登世" ，食開正宗鐵板燒既朋友，應該都識"千登世"，以前"千登世"食一個lunch都要$300~$500一個架，依家"千登世"全線退出香港，真係有d可惜，唉~~~自從"千登世"之後，食過x馬、xx十三等等，我都未食過咁好食既鐵板燒，可惜，真係無咩人欣賞
HK$980 + 10% (service charge) 不過有數碼港咭有10%Discount，申請費用全免 (師傅係埋單前提我地去即時申請，即時有咭取，HAHAHA~~~~)
前菜
1. (牪丹蝦併三文魚剌身) - 唔係專食刺身的舖頭，所以都無寄望會好好食，不過食落都幾新鮮，d蝦好鮮甜，唔錯....男朋友仲讚好好食
2. 牛莠刺身 - 未食過，不過幾得意wow~~我覺得ok....
3. 麻汁沙律 - 同出面果d差唔多，不過d菜好新鮮
主菜 (相片3,4,5)
(1) 鵝肝 - 外脆內軟，juicy，味道甘香，比好多餐廳好好多
(2) 帶子 - 好大隻，生熟剛好，yummy
(3) 立魚 - 魚質好硬，唔關師傅事，係條魚本身既質感，下次叫師傅改煎三文魚/銀雪魚先
(4) 大蝦 - 師傅話平昤用竹蝦的，不過今日對蝦靚，果然無錯，蝦身爽口，味濃，最緊要d蝦膏多到呢，好似食緊越南大頭蝦咁.....不停咁漏出黎，正
(5) 雞脾蘑併大露荀 - 露荀保持水準，雞脾蘑吸收晒d汁，平時食野要求簡單的男朋友讚好味
(6) 和牛 - 無聽錯麻? $980的餐有宮崎牛肉? x馬$980 得一塊牛ja wow, 會唔會係假和牛呢?
入口滿滿的牛油甘香，嫩嫩的肉質，不過略嫌唔夠肉味
(7) 炒飯 - 師傅細心問我地鍾意濕D定乾D，乾D呀唔該 ^^，食落粒粒軟軟的，粒粒分開的，好味，不過好飽啊~~~~~呵呵~~~~~~ 我鍾意蛋味重D，下次叫師傅俾多D蛋去炒先
甜品
綠茶雪榚 - 外購品，NO COMMENT
整體上，真係好好食啊，我諗咁既材料同質數出去食要成千幾蚊，呢度千蚊都唔曬...真係好抵~~~~
如果唔想食咁貴，可以叫散餐，又或有個美國牛龍蝦2人餐，都係$780 ja~~~
仲有個一人餐係$320 (嘻~~唔知有無記錯，應該差唔多啦)
anyways, $320 ~ $490 一個人， 唔係最抵，不過一定已物超所值!!
p.s. TO: 康師傅，下次留隻多係咁多膏既蝦俾我呀唔該!!!
張貼
