宮保 (已結業)

前2日同朋友仔去登龍街揾野食 見到有間新開既餐廳🍴幾光猛幾靚 添得意去望下 原來係間新加坡餐廳 香港獨家食宮保砂窩 既然係limited edition 甘就一定要試下啦🤩一入門口就見到好多明星相😍原來係明星飯堂黎😱入到去 都滿左大半個場 不過職員都安排我地2個人坐4人位 真好 可以坐得舒服D😆老闆娘見我地望左陣menu好似唔太明甘 所以親自過左黎落單🙈原來最岀名既係宮保田雞 可惜我朋友唔食🐸 甘就同隻🐸無緣了😭最後叫左煲小辣既花膠煲 養下顏🙈都幾足料 D花膠吸哂D汁汁 入面仲有豆腐同菇菇 撈埋佢地既砂窩粥食 真係幾特別 之前都無食過😆餐廳經理介紹話撈油面都正 所以叫左一碗試下 又唔錯啵 個汁係幾百搭👍🏻👍🏻之後又嗌左隻黑胡椒蟹🦀🦀唔錯唔錯 啖啖肉 ❤️可能我地食得太興奮 損哂手指舔舔脷 有位靚姐姐職員話請我地飲杯凍薏米水冰鎮下🙈正🤩重點 原來呢到有金鴨黃金魚皮賣架😆臨走順手買左2包🙈以後唔使周圍揾黃金魚皮啦😆😆