DK1885 (已結業)

話說星期日屋企人食完越南野，醒唔起同女友星期一都係約食越南野，結果上openrice試下搵一d同一般越南野唔同ge餐廳，結果搵到lee間 DK1885黎到門面，裝修較為節約，牆上擺住一支支結他，一睇就知老細係rock友。事不宜遲，即刻點菜。蓮藕心鮮蝦沙律（4.5/5)女友話最近鍾意左食沙律，所以叫左個唔太heavy ge鮮蝦沙律。蓮藕心咬落爽，一絲絲咁幾得意，而鮮蝦亦脱左殼，彈牙，酸酸甜甜好醒胃。香茅魚露煮活蜆（4/5）唔黎唔知原來北越南ge海鮮係咁唔錯，香茅味好入d蜆，個湯亦鮮甜，味道濃🤗香辣香茅爆炒雞腎（4.5/5)話說我女友唔食雞腎，不過見waiter極力推薦，就試下，結果個雞腎好有驚喜。辣得黎係咖喱加香茅果種辣，雞腎有咬口，正😎北正宗牛肉湯河（4.5/5)北越南ge湯味道無咁濃，但正正因為咁，佢牛肉ge味就更加特出，入面ge生牛肉我尤其鍾意，牛味特別重🤩總括黎講，我鍾意lee度可以舒服同女友傾下計，而越南菜有海鮮我都覺得好有新鮮感。有驚喜！