喜業中西式飯堂

營業中

休息中

同一般工廈飯堂一樣，環境就一般般架啦，勝在地方大，冷氣又夠，坐得都幾舒服。涼瓜火腩飯 $38 （凍飲+$3）本來對工廈飯堂嘅食物質素就冇乜期望，純粹係醫肚，點知呢個睇落平平無奇嘅快餐涼瓜火腩飯就有驚喜。一上枱已經覺得份量好足，啲餸幾乎仲多過啲飯。涼瓜一啲都唔苦，煮得啱啱好，唔會有煮唔熟果種臭青味，又唔會熟到稔晒。最緊要係個芡汁，好香好惹味，撈埋涼瓜一齊食冇得輸。仲有個火腩，肥瘦適中，好入味，份量又多。