天鳥居酒屋

營業中

休息中

一向都鍾意食日本餐，今次又嚟到一間日本餐廳，呢度嘅環境裝修好特別，放置左好多唔同嘅日本酒樽，令人食嘢之餘都可以欣賞下餐廳嘅環境今次係晏晝時間嚟食嘅，因為係週末人流都多，但係都唔駛等好耐熱愛食魚生飯嘅我今次就叫咗一個lunch set嘅三文魚三寶飯，Lunch set附送沙律、蒸蛋同埋甜品。沙律菜新鮮，份量都適中，加埋沙律醋食咗有少少開胃嘅感覺。甜品啱我呢個鍾意食綠茶既人，係綠茶麻薯，口感彈牙，又唔太甜！主菜三寶飯，三寶分別有三文魚、黃金魷魚同蟹子，三文魚係薄切，令人食飯外再食魚生都唔會太Heavy，黃金魷魚好特別，咬落去好爽口鮮甜，蟹子用嚟撈飯就啱晒啦，三樣嘢配埋一齊食好夾！仲叫咗一個雙重芝士海鮮大蝦反卷，芝士放喺壽司面，燒溶咗少少，一啖食落去有雙重口感，大蝦炸得好脆，再加埋芝士，口感好豐富，兩個人食一碟都覺得好飽，份量都夠。最後仲叫咗三款唔同嘅壽司，鰻魚壽司同普通嘅日本餐廳都類似，做到入口即溶嘅感覺，油甘魚腩壽司嘅魚腩脂肪比例唔會太重，食落去都鮮味，醋鯖魚壽司就比較特別，唔係好多餐廳都有，佢嘅口感都比較特別，魚味就比較重，適合啲比較鍾意食魚嘅人