Happy Roller

營業中

休息中

呢間嘅卷蛋想試咗好耐，今次趁屋企人生日訂咗兩款口味試吓。聞說佢最出名係茶味，揀咗一個抹茶拼焙茶，仲加咗麻薯。另外訂咗一個三重朱古力生乳。🍵🍵抹茶拼焙茶（$158 + $15麻薯），茶味濃郁，少少回甘，加咗麻薯中和返茶味，茶控嘅我感覺不錯。不過如果唔特別喜好茶味，可能會覺得有啲啲苦澀，建議可試吓其他口味。🍫🍫三重朱古力（$108）完全係朱古力控嘅世界，好豐富嘅朱古力味，配埋入邊嘅生乳，好creamy。🍴🍴卷蛋整得好軟熟輕盈，口味選擇好多，一條大約可以切到五件左右。下次可以試吓其他口味。不過呢間出名難訂，建議大家預早落單又或者留意佢嘅快閃團。