狎鷗亭居酒屋

營業中

休息中

餐廳開係諾士佛臺，要細心留意佢嘅招牌先唔會行過頭。聽講呢度開咗10幾年，店員話老闆希望保持做韓國嘅傳統菜式，難怪食落去同出面啲韓國料理唔同，一黎無耐就放上六小碟前菜，我同朋友就開始不斷食🙈🙈🙈燒大蝦四大隻大蝦，似係盬燒，食物處理得好好，非常乾淨，蝦頭只有蝦膏，蝦肉非常潔白，食落又彈牙鮮甜。紅燒牛排感覺係好傳統既韓國菜，出面韓國餐廳好少食到哩種口感，令到我有啲驚喜。好似真係係韓國好地道餐廳食既炆牛排。牛肉炆到好腍，好入味，啲肉又大大舊，咬落有油香又唔嚡口，好有牛味。入面仲有白蘿蔔，紅蘿蔔，全部都炆到好腍好入味，必試。辣八爪魚丼本來都食到有啲飽，呢個飯一上黎好香，石鍋燒到好熱，所以不斷發出吱吱聲，配料好多，八爪魚好有咬口Q彈，香氣可口好值得叫黎當主食。菠蘿沙冰朋友唔飲酒，咁我哋就叫咗一個沙冰。入面真係有菠蘿肉，飲落好香甜，唔似係化學野或者糖漿。啲冰沙好細緻，唔會咬到冰粒，酸甜解膩。食物份量都幾多，餐廳都坐得舒服而氣氛又幾好，見好多客人都嗌酒飲，下次要帶其他朋友黎試試其他食物。