相撲手日式放題 (已結業)

必食金菇肥牛卷 畢生難忘雖然望落係普通既肥牛卷 但咬落啖啖都係飯焦味 非常充料 齒頰留香 之後食既每一樣野都有大家最愛既飯焦味 yummy!叫左兩次都係一樣 可見食物質素非常穩定 抵讚!另外柚子芥末帆立貝壽司都非常值得推介 將壽司昇華到另一層次到咁上下時間就可以出去排生蠔 首先要係facebook like佢既page, 再like佢既post, 影一張生蠔相reply,再share去自己個wall,同埋比返放題價錢$298加一,咁就可以獲得生蠔兩隻了!當然貼心既相撲手係安排左兩位手機專員幫你手. 如果冇facebook既朋友唔建議黎呢邊食飯,冇得食生蠔好唔抵