影片
更多
2018-06-12
886 瀏覽
天口咁熱，仲要去完深水灣曬太陽，當然想搵一間地點清靜同埋比較高檔少少既地方食野，靈機一動就即刻諗到數碼港。聽上黎好似好遠，其實住南區既朋友一定唔會陌生，深水灣有一間巴士直達數碼港。果然踏破鐵鞋無覓處，得來全不費功夫！之後都要搵左一陣，因為數碼港指示比較少，如果大家去既時候最好問一問詢問處，唔係會好似我咁搵左一段時間先正式去到奧壽司門口。去到之後，第一個感覺地點優雅，燈光柔和。隔左一陣有一位店長親自帶位，招呼仲非常之好。兩個人都比卡位我地，真係有少少唔好意思。店內裝潢走高尚風格，開放式壽司吧檯，牆身掛滿日本舊時代老照片。充分混用空間。坐底之後睇左一陣餐牌，就決定食以下既野食。三文魚他他 一般三文魚他他既印象都係圓形蛋糕式咁上，當中間帶有牛油果粒，三文魚粒之類。今次呢份三文魚他他絕對有驚喜，無論做形上，味道上都跟美式既三文魚他他完全唔同，外貌上相當精緻，非常吸晴！味道方面。第一，浸過水既紅洋蔥絲舖底，由於經過浸水既處理，冇左一般大家對洋蔥味道十分霸道既顧慮。第二，柚子油醋係洋蔥絲下發揮好好既醒胃作用。第三，三文魚以往係會粒狀上碟，但係今次係以片狀，再經過火炙處理，將魚表面既油份燒走，帶少少
之後都要搵左一陣，因為數碼港指示比較少，如果大家去既時候最好問一問詢問處，唔係會好似我咁搵左一段時間先正式去到奧壽司門口。去到之後，第一個感覺地點優雅，燈光柔和。隔左一陣有一位店長親自帶位，招呼仲非常之好。兩個人都比卡位我地，真係有少少唔好意思。店內裝潢走高尚風格，開放式壽司吧檯，牆身掛滿日本舊時代老照片。充分混用空間。坐底之後睇左一陣餐牌，就決定食以下既野食。
三文魚他他 一般三文魚他他既印象都係圓形蛋糕式咁上，當中間帶有牛油果粒，三文魚粒之類。今次呢份三文魚他他絕對有驚喜，無論做形上，味道上都跟美式既三文魚他他完全唔同，外貌上相當精緻，非常吸晴！味道方面。
第一，浸過水既紅洋蔥絲舖底，由於經過浸水既處理，冇左一般大家對洋蔥味道十分霸道既顧慮。
第二，柚子油醋係洋蔥絲下發揮好好既醒胃作用。
第三，三文魚以往係會粒狀上碟，但係今次係以片狀，再經過火炙處理，將魚表面既油份燒走，帶少少暖身，由於三文魚係新鮮，所以沒有調味，味道簡單，食到食物原本味道。作法十分聰明！
火炙壽司盛合 我一向都覺得如果想知道食店用料是否新鮮，點盛合最好不過，一來可以節省考慮食咩野，二來可以大部分食材都可以一試究竟以知道實力如何。當侍應哥哥呈上後，我呢個決定絕對冇錯。首先，壽司以黑色木板呈上，一來黑色可以突出食物，二來經過防吸油既木板係衛生方面比較好。味道方面，由於食材偏多未能逐一介紹，所以我會挑選最突出幾款介紹。
一，大蝦壽司一般大家對大蝦壽司印象都係外表有蟹籽，內裡有熟蝦肉加沙律醬。今次絕對有驚喜！壽司外表以經過油炸處理既燕麥片舖面，內裡有半生熟既蝦肉，冇左沙律醬，係味道方面可以完全食到蝦肉，壽司飯微酸，燕麥片脆既口感，口感層次豐富，再加上師傅連蝦頭可以用作裝飾，係外表上加分不少。個人相當喜歡呢個做法。
二，燒鰻魚壽司。一般鰻魚比較薄，其次鰻魚汁太甜，蓋過鰻魚味道，令好多人對鰻魚好感不大。呢個鰻魚壽司一改我對佢既印象，鰻魚片肉厚，食到新鮮鰻魚味道，肥瘦部分分明。其次表面脆口，三來鰻魚汁有經過精準既調教，微甜得來又唔會蓋過鰻魚味道，再加上頂部帶有蔥花，令到整個壽司甜中帶有一點菜青味，有中和之效！
三，燒三文魚壽司。三文魚用左魚腩部份，表面再經過燒既處理，令到部份油脂被壽司飯吸收，再加上頂部帶有柚子胡椒醬，食落口既時候，食到豐富既油脂味中帶有一點辣味。最後就係燒池魚，呢款印象幾深刻，深刻地方在於壽司頂部既調味，採用左薑蓉池魚相當新鮮，就算經過燒後，夾起魚肉都唔會散開，係新鮮魚既特點，食落口既味道感覺如食中餐一樣，薑蓉味道唔太霸氣，令到整個壽司味道唔會太單一，沈悶，更令我覺好似食緊中菜一樣！
雜錦天婦羅
呢份天婦羅絕對唔會油膩，因為睇張吸油張已經就知道，可見負責呢個炸物既廚師係時間拿捏方面非常精準！天婦羅外表金黃，其次脆槳唔厚，薄薄一層，唔會令人有食緊麵粉感覺。當中連伴碟既蘿蔔蓉都帶有白蘿蔔甜味，沾天婦羅既醬汁混合白蘿蔔蓉後，味道完美！我個人好少食炸物點醬汁，因為我想更清楚食到食材本身原味，唔想有外加味道影響。
但係今次連我都破戒一次！由其天婦羅蝦特別出色。份量大之外，蝦肉爽滑彈牙，再加上醬汁味道更上一層樓。其他炸物味道都相當唔錯，令我最驚喜係天婦羅竟然有炸銀雪，仲好食過英式既炸魚薯條，炸魚天婦羅我都係第一次見，味道方面有少許米酒，薑味，魚肉結實而唔係市面急凍貨色！大家可以不妨一試！絕對好食。
冬茹串 外表相當盞鬼，冬菇被放在木魚花上面，感覺有一種呢件係易碎品，請小心處理。食物當然要小心處理，由其好食既特別要更加小心，冬茹燒到表面乾身，爽甜。但內裡多汁，帶有好香既茹味，再加上木魚花既味道，令到冬茹味道更加豐富，唔會太單調！
燒鯖魚 燒鯖魚又係呢間食店傑作作品，外貌上可能用出色形容，一般燒鯖魚都放係長碟上面，冇其他裝飾。呢條燒鯖魚放係一塊連葉上面，再加一條子薑條，令到一條好平凡既燒鯖魚變得相當吸引！味道上市面太多採用急凍鯖魚，所以係食既時候感覺會食緊一條乾煎既魚咁，食柴感覺。但呢條鯖魚相比冇以下問題，肉質雖然結實但食到魚味，夾魚肉方面有少少困難，因為新鮮魚肉相對比較黏骨，絕對係好事！十分滿意！
整體而言，食材運用相當出色，接近全部都有驚喜，個人十分欣賞三文魚他他，火炙壽司盛合，因為一洗我對呢兩款既印象，大大加分。其次就係服務態度，符合到接近高檔餐廳既質素。值得一提，其實我地係二人，我都唔好意思坐卡位，我有要求換番二人位，但店長都堅持以舒適度優先考慮！所以覺得呢一間食店絕對係做到對食物認真，對客人如朋友。雖然地點唔太就腳，但係絕對值得下一次再去！
張貼
