廢茶 (京瑞廣場2期)

營業中

休息中

朋友剛剛坐完月，約好去佢屋企探BB，上去之前喺附近食少少嘢醫肚先，經過見到呢隻咁吸睛嘅樹懶，超級可愛。飲品選擇多元化，仲有少量小食可以選擇，我哋揀咗兩杯飲品同一客窩夫。窩夫賣相吸引，抹茶窩夫夾住紅豆餡，再淋上奶蓋，成個組合非常夾，窩夫入口鬆軟，抹茶嘅味道好出，紅豆餡亦唔會過甜，非常推薦！檸檬愛玉一向夾，配上桂花亦毫無違和感，甜度適中，愛玉口感軟嫩，整體清新消暑。珍珠奶茶嚟講，眾多茶底之中我最喜歡烏龍，獨有嘅香氣配上黑糖味道醇厚，珍珠有咬口又唔會太硬，非常唔錯。