天天素食

營業中

休息中

一齊做嘢嘅時候有朋友話想食齋，仲有一個朋友過緊嚟搵我哋，所以就叫佢幫手買，冇乜要求，亦都冇乜諗法就嗌朋友決定。返到嚟分別係一個紙盒，加一個膠盒。膠盒入邊就係有基本嘅酸齋，齋雞粒，同埋齋叉燒。味道方面都幾好味，酸齋嘅味道好夠酸同埋好夠汁，齋雞粒方面就比較大粒咗啲，相比之下亦都冇咁突出，齋叉燒反為咬落去都幾好口感，味道亦都唔錯。而紙盒入邊就係豆腐卷同埋齋煙燻豬肚，豆腐卷方便反為比較乾，同埋冇乜味道，有啲失色。但係重點係個齋煙燻豬肚，非常之咁好味，佢嗰浸煙熏味食落口真係好似食緊豬肉咁，好友驚喜，叫咗朋友下次再買過嚟食。