影片
更多
2018-05-17
464 瀏覽
今日同幾個舊同事出嚟聚會，本來諗住去九龍城食泰國菜，不過成日都係食泰國嘢有啲悶所以諗住搵啲新嘢試下，咁啱經過一間新開張小菜餐廳，門口見張poster啲餸幾吸引，而facebook打咭又有9折，所以4條友膽粗粗走咗入去試下。一坐低就叫咗幾個poster上嘅小菜試下，本人尤其鍾意其中兩個：金沙南瓜這味餸是老闆娘推介，初初以為好甜會似甜品但又其實唔係，超香口嘅咸蛋王外皮外脆內軟，同𥚃面熱辣辣嘅南瓜肉配合得恰到好處，本來冇諗住叫突然執到寶～銀絲遊龍哩味餸叫嘅原因係因為有個朋友喉嚨痛，所以諗住叫個清清地有菜有湯嘅餸，見哩個餸個名咁勁又叫嚟試下,點知再有驚喜。鮮甜嘅魚湯配上粉絲龍躉球，仲有菜同雲耳，全部餸吸收曬魚湯精華，超開胃，我朋友誇張話病都食到好番🤣，最後湯都清埋～～這間小廚絕對推介大家一試，菜色實而不華，我和朋友會帶家人再來試，已問定有冇大枱。BTW老闆娘笑容親切，非常非常nice!!
金沙南瓜
這味餸是老闆娘推介，初初以為好甜會似甜品但又其實唔係，超香口嘅咸蛋王外皮外脆內軟，同𥚃面熱辣辣嘅南瓜肉配合得恰到好處，本來冇諗住叫突然執到寶～
銀絲遊龍
哩味餸叫嘅原因係因為有個朋友喉嚨痛，所以諗住叫個清清地有菜有湯嘅餸，見哩個餸個名咁勁又叫嚟試下,點知再有驚喜。鮮甜嘅魚湯配上粉絲龍躉球，仲有菜同雲耳，全部餸吸收曬魚湯精華，超開胃，我朋友誇張話病都食到好番🤣，最後湯都清埋～～
這間小廚絕對推介大家一試，菜色實而不華，我和朋友會帶家人再來試，已問定有冇大枱。BTW老闆娘笑容親切，非常非常nice!!
張貼
