Chitose (已結業)

同老公路經長沙灣補給d日用品 拍好車買完晒野開始肚餓 見到間唔起眼既小店 門外貼滿食物照片 見價錢也只需幾十元 老公就話試下囉 望入去無人喎 有點兒膽心中伏 老公已推門而入 伙記哥哥就招呼坐下了 遞上Menu 有個可愛四眼妹公仔估唔到小店會有house music添 令人好relax似放假旅行中 凍冰冰既天氣更係想飲杯暖笠笠熱朱古力啦老公喜愛熱奶茶 不過呢間特別吸引之處係用伯爵茶做膽架 送來已飄來陣陣香味我揀左韓式芝士系列既香蔥五花腩芝士汁意粉 驚喜超驚喜 可能係我偏愛濃濃芝士汁 配上紫菜洋蔥糖心雞蛋 主角係煎得香脆既五花腩白咖喱煎魚柳飯 份量Jumbo size既煎魚柳配個白咖喱汁 極微辣 香嫩滑魚肉加上煎到外層脆脆金黃 試多樣野未為過份嗟 千歲雞脾 佢地既招牌秘製架 賣相💯 真係好好好大隻喎 見到d汁係包住整隻雞脾 食物水準高 價錢合理 服務好 環境舒服 洗手間超乾淨