Starry Night (已結業)

去左博文街呢間西餐廳同屋企人慶祝聖誕。因為响指定日期前訂座，所以當晚有8折優惠😊。當日係指定節日menu，我地揀左唔同嘅main course，我自己點左牛柳，屋企人試龍蝦，個set仲有蟹餅、龍蝦湯同甜品。個龍蝦湯份量都算多，仲有唔少龍蝦肉，所以飲完以已經有啲飽。我個牛柳拼薯蓉，個薯蓉另外用一個筒仔裝住，好好味，好香牛油，最後太飽，被迫放棄個薯蓉。起初其實都想點龍蝦，不過驚好難搞，所以冇點，原來龍蝦起晒肉架，早知食呢個啦，夾左老公嗰份試下，好甜美😋。最後甜品係我最愛嘅雲呢拿雪糕配蘋果酥，為呢餐劃上完美句號。