心粥館 (天澤商場)

營業中

休息中

竟然冇人寫過哩間店舖，咁就等我寫第一篇文啦，天澤商場愈開愈多餐廳，選擇多咗，真係有啲眼花繚亂，但係係好事黎，每次諗唔到食咩就會去哩間心粥館食返一餐。佢早餐都幾多選擇嫁，有班戟添，有粥餐又有西式嘅早餐，仲有蕃茄湯米線添。今朝就同屋企人食早餐，叫咗個蕃茄湯牛肉米線，佢就叫咗個健康餐，個餐包咗個香腸、滑蛋、豬柳、火腿、多士、仲有白粥，真係好健康嘅選擇。蕃茄湯牛肉米線真係好睇個日嘅廚房出品，每次食都好唔同嫁，試過好濃郁，又試過好淡口，但係牛肉真係好多好夠份量，最重要係個米線好滑溜。個餐仲配埋烚雞蛋一隻同熱飲，你話29蚊邊渡搵啊！