影片
更多
2017-01-01
632 瀏覽
已經有5，6年無落過觀塘工業區，因為去丹麥積木開倉先會去駱駝漆，成日睇報紙雜誌都話嗰度有好多食肆，山長水遠去到梗係要搵食啦，漫無目的咁探索，去到4樓見到有一間餐廳門口擺滿花牌，仲有班人影相，應該今日新開張。我係啲煮食群組都見過谷友分享慢煮食物，又話食物營養無咁易流失又話肉質會幼嫩啲，既然呢度叫慢煮工房，主打都應該係慢煮啦，咁就不妨一試。入到去坐低，座位都闊落，嗰陣三點幾有下午茶，有幾款係慢煮菜式，研究左一輪餐牌，有位職員走埋黎介紹餐牌嘅野食，好細心同好詳細，我地叫左慢煮牛脷同豬扒，黑椒香茅炸魚，芝士忌廉蛋牛肉包，加$10可轉特飲，就試下個陳年老桔氣泡礦泉水先，法國有氣泡礦泉水唔奇，但係溝老桔又好似好新奇。可能新開嘅關係，上菜真係要啲時間，先黎芝士忌廉蛋牛包，賣相有啲普通，但係放入口，神奇的事發生了，講唔出嘅好味，然後係豬扒同牛脷都到啦，味道淡左少少，但係真係食到慢煮嘅不同，多汁同肉嫩，最後連炸魚都到埋，一切開個陣我以為炸魚都係先慢煮後炸，但係睇返餐牌又唔係喎，因為切開個下有好多汁流出黎，食到好香嘅香茅味，可能我對香茅有鍾愛，所以呢個炸魚好難忘，從來未試過有一道香茅菜式真係有咁重咁香嘅香
我係啲煮食群組都見過谷友分享慢煮食物，又話食物營養無咁易流失又話肉質會幼嫩啲，既然呢度叫慢煮工房，主打都應該係慢煮啦，咁就不妨一試。
入到去坐低，座位都闊落，嗰陣三點幾有下午茶，有幾款係慢煮菜式，研究左一輪餐牌，有位職員走埋黎介紹餐牌嘅野食，好細心同好詳細，我地叫左慢煮牛脷同豬扒，黑椒香茅炸魚，芝士忌廉蛋牛肉包，加$10可轉特飲，就試下個陳年老桔氣泡礦泉水先，法國有氣泡礦泉水唔奇，但係溝老桔又好似好新奇。
可能新開嘅關係，上菜真係要啲時間，先黎芝士忌廉蛋牛包，賣相有啲普通，但係放入口，神奇的事發生了，講唔出嘅好味，然後係豬扒同牛脷都到啦，味道淡左少少，但係真係食到慢煮嘅不同，多汁同肉嫩，最後連炸魚都到埋，一切開個陣我以為炸魚都係先慢煮後炸，但係睇返餐牌又唔係喎，因為切開個下有好多汁流出黎，食到好香嘅香茅味，可能我對香茅有鍾愛，所以呢個炸魚好難忘，從來未試過有一道香茅菜式真係有咁重咁香嘅香茅味。差啲唔記得左杯特飲，老桔配有泡礦泉水都幾好飲。
呢度下午茶真係幾抵食，但係希望下次再長征觀塘夾到時間試晚餐
芝士忌廉蛋牛肉包
16 瀏覽
0 讚好
0 留言
慢煮厚切豬扒包
10 瀏覽
0 讚好
0 留言
黑椒香茅炸魚
11 瀏覽
0 讚好
0 留言
慢煮牛脷
26 瀏覽
0 讚好
0 留言
張貼
