藏 (已結業)

銅鑼灣新開張日本菜，原本想試omakase, 但係又想測試水準先，突登book中午試下。店內走時尚簡單風格，空間感強，唔似一般日本餐廳又迫又窄。午餐set menu選擇好多，我揀左精選刺身。waitress小心罷好前菜，我就一路食一路睇師傅表演，估唔到lunch time都咁認真，擺好盤仲逐款介紹，超水準既服務。精選刺身有肥嘟嘟既拖羅、深海鯛魚、銀雪魚、帆立貝、蝦、油甘魚等等。拖羅肥美非常，入口即溶；深海鯛魚當時得令，入口就知道新鮮，輕輕點d醬油提鮮，又係回味無窮。最令人驚喜竟然係個銀雪魚，我見肉身呈奶白色，師傅輕輕燒左表面，入口就不得了，一口魚油香氣，加上肉質鮮嫩，估唔到銀雪魚可以咁好食。我個set仲包湯、白飯同甜品。由於食左肥美拖羅同充滿魚油既銀雪魚，我飽到食唔落飯...但係都飲湯暖下胃。結尾甜品有椰子雪糕，清甜得黎啖啖椰子絲，非常滿足。