吉列牛忌廉烏冬專門店 (百樂中心) (已結業)

去咗銅鑼灣搵嘢食，Times Square後面呢幢大廈好多嘢食，今日去咗22樓呢間食吉列和牛專門店嘅餐廳食，佢啲菜式好新穎，好食！吉列黃牛定食呢個套餐有吉列黃牛，可以放喺石版燒上燒，生熟程度自己控制，我鍾意唔太熟，和牛入口好有牛味，好香，和牛嘅外層係吉列脆漿，脆漿唔會太厚身，另外白飯喺日本買，好香軟，平時我唔多食飯，但今日都食咗好多😍😍。咖喱忌廉烏冬食物一上枱，已經吸引眼球，上面超多忌廉，忌廉下面係咖喱烏冬，烏冬用咗日本稻庭烏冬，好有口感，咖喱味調得好好，將啲忌廉同咖喱烏冬攪勻之後，好香滑，將平時食開嘅烏冬提升左另外一個層次雞軟骨餃子好特別嘅餃子，平時食開都係雞肉、豬肉等等，呢個用雞軟骨整嘅餃子，口感非常好，雞軟骨好香，外皮煎得好脆讚！綠茶latte綠茶味好香，叫咗少甜，飲到陣陣茶香味滿足嘅一餐