黑木亭居酒屋 (清風街) (已結業)

黑木亭居酒屋(清風街)今日去港島做野，順便行下見到依間黑木亭諗起之前有朋友介紹過所以入去試下，由於時間仲早所以餐廳只有我地一台客，我地都無咩諗法有咩好食就直接問員工有咩好推介，我地都係愛蠔之人，見到餐廳做左個本月推介係生蠔🦪 我地就即刻點左，仲叫左個海產細味六杯蠔🦪 (6杯) 餐廳使用日本新鮮嘅廣島蠔，用Tequila杯加上泰式、雞尾酒、仲有日式酸汁、每款兩隻岩晒我地一人一隻，非常新鮮爽甜。 廚師發板嘅壽司🍣 (8件) 廚師選用當晚最新鮮食材製作壽司，我地個晚就有帶子，甜蝦，左口魚，三文魚，拖羅，鰻魚，八 爪魚，每款都非常鮮甜新鮮。日式串燒今次我地叫左厚切豬頸肉，豚肉包雞髀菇，免治雞肉棒🍗，雞股，明太子雞腿肉串燒面燒到微焦非常之香口，口感細膩，十分惹味。整體比我地想像中好吃！今次我地仲叫左2杯野飲，北海道芒果牛乳乳酸同士多啤梨多多熊冰，酸酸甜甜飲落好清新又唔會過 甜，小熊冰好得意打卡真係一流!