CHIMPZ (已結業)

同男朋友去銅鑼灣行街，經過渣甸坊附近見到一間日系西餐小店環境唔錯，上oprenrice 一睇仲要禁高分，價錢又抵 ， 即刻拉左男友入去食。呢道叫主菜加$38就可以配上湯同沙律，今日餐湯好特別，第一次飲，青瓜忌廉湯，好creamy但飲落又好fresh 既感覺， 而沙律菜係用醋伴， 好開胃。我地2個都係松露迷，意大利黑松露牛肝菌意大利粉係必點，$108超抵食😍😍黑松露加牛肝菌絕配，配以大量雜菇，每啖都有菌粒粒，黑松露汁仲要超級濃郁，麵條軟硬啱啱好，質感彈牙，100分呀👍🏻👍🏻一定會再黎食😋😋厚切黑毛猪鞍架配香煎菠蘿以前去西餐會食牛扒，自從點過豬鞍後就一試難忘，黑毛豬好厚身，黑毛豬肉同脂肪比例分佈平衡，表面烤到好香，裡面依然幼嫰多汁，再配甜的菠蘿肉同汁，非常JUICY，好好食。