椰子樹泰國餐廳 (已結業)

中午經過佐敦想食泰國菜，所以就open rice左呢間餐廳，餐廳係地鐵站E出口，見到萬寧轉入去就係，好方便。即刻已經見到大大個的招牌。我地叫左2個午餐，友人和我好快就叫左泰式海南雞飯同點醉貓肉碎炒河，海南雞飯好快手就上左碟 ，仲送湯，海南雞飯的買相好吸引，已經令人緊不急待想食。個雞啖啖肉，而且無骨好嫩滑，值得一讚！海南雞飯醬汁與其它餐廳不同，相信店鋪有自己調教過，沾醬連同飯一起食令人好開胃。不得不提個湯，好好飲！無咩味精味，裏面仲有兩個冬瓜。肉碎炒河送上枱仲熱辣辣，應該係即叫即整的，河粉有肉碎、青紅椒、洋蔥同豆角。 河粉炒至乾身，加埋青紅椒一齊食減低油膩感，不知不覺食曬成碟。最後，見到餐廳有香茅茶，於是試試。聞上去有很重的香茅味，但飲落去係令人容易接受的味道，帶點甜甜的。之前已經聼人講過香茅茶有好多攻效，例如治療感冒。但就不多餐廳有！