Don X Sushi Generation (已結業)

同媽咪係中環行行下街忽然落雨，唯有先去吃lunch避一避啦😁。諗住簡簡單單食個丼飯啦，點知呢度嘅丼一啲都唔簡單。媽咪點左份鰻魚箱押寿司，鰻魚肥美多汁，寿司飯軟熟。前菜沙律miso湯齊備，仲加配一小碗义燒烏冬添😅。原先怕媽咪個set會唔夠飽， 所以我就點左個20件自選寿司set， 諗住share食。自選寿司選擇好多， 足有超過二十款， 有啲仲係手寫的， 應該就係時令野。我當然首先點我至愛嘅中Toro、甜蝦、海膽、鯛魚啦， 而媽咪就喜歡帆立貝、三文魚籽、飛魚籽同八爪魚。其他嘅我就隨便挑。寿司set同樣有沙律前菜同湯。佢地嘅沙律菜好新鮮，味噌湯都好好味。寿司set上枱都幾有睇頭，看樣就已覺得好味。店員還會過來介紹一次寿司嘅名稱，啱哂我呢啲從來只會吃但唔認同樣嘅人。佢地嘅刺身好新鮮， 每件都食到鮮味， 每件寿司嘅飯底都是少少的， 配合刺身嘅比例， 唔係嗰啲一味用飯塞飽你嘅店， 所以就算足有廿件， 但其實對於較有胃口嘅朋友， 一個人還是可以KO佢嘅。不過食到咁豐富，我好懷疑等陣仲有冇精神繼續逛街囉🤭。