真妮 (已結業)

同朋友嚟到將軍澳寶琳，突然之間想食漢堡，就醒起上次去過真妮，所以就再試多次。今次食嘅係黑蒜牛肉漢堡，同埋煙肉蛋牛肉漢堡。兩個漢堡包都好有驚喜，廚師特登將煙肉蛋漢堡入面嗰塊蛋唔係整到全熟，令到個包食落去好濕潤，而且蛋味都好濃郁。入面加咗塊煙肉落去 ，好有外國漢堡包嘅感覺。另外黑蒜漢堡包，食落去黑蒜未唔算好濃，但係有小小嘅香味，怕食蒜頭嘅朋友都可以試，而且入面嗰塊芝士非常之靚，好香濃，配埋生菜味道啱啱好。兩個漢堡包餐入面都配咗粗薯條，個人覺得比麥當勞更加有口感，非常之好食。之後再叫咗個小丸子同埋炸魷魚圈，小丸子係比較甜嘅，鍾意食甜嘅朋友可以試吓，魷魚圈配咗個明太子沙律醬，食落去都好特別。最後再朝早一杯士多啤梨益力多同埋奇異果益力多，兩杯嘅飲品，益力多味唔會太重，唔會話搶咗果汁嘅味道，感覺幾好。