潮丸 (已結業)

東大街不嬲出名多好野食，呢晚同friend揸車去附近就決定去個頭搵好野食。個陣唔算好肚餓所以諗住食碗麵就算，行過見到潮丸冇諗太多就入左去食。叫左個招牌既牛丸麵同埋一碗清湯蘿白。牛丸食落好彈牙，牛味好濃，咬落去有汁咇出黎咁樣。湯亦都冇鹼水味，鹹甜岩岩好，加上幼麵好爽口，好快幾啖扒入口食晒。個清湯蘿白蘿白冇渣咬落軟硬岩岩好，碗湯清淡得黎有蘿白吸晒湯汁，冇得輸。同行個friend都有叫左個墨丸河，佢都好滿意。見到入口個度有d好似街市入面肉檔d膠牌，佢地呢度都有得賣生牛丸同其他丸返去煮或者打邊爐，老闆就話d牛丸係潮州新鮮運返香港，真正原汁原味。最近天氣夠晒凍，最岩打邊爐，買返一磅牛丸去打邊爐真係岩晒。