影片
更多
2017-05-15
3157 瀏覽
上星期五收工約左朋友專登去上環試依個新開嘅過江龍火鍋 未上去之前已經覺得幾驚奇 竟然係來自美國嘅香港平民野食 所以決定放工去試下。首先，裝修方面，一入餐廳完全唔似火鍋店，一堆燈嘅設計十分特別，而且座位闊落舒服，店亦寬敞，適合同一堆朋友嚟聚會傾計。依到係主打一人一鍋，可以自己揀湯底同火鍋種類，餐廳對於依方面十分有誠意，種類方面由local啲牛肉、海鮮火鍋到韓國部隊鍋，日本嘅壽喜燒都有，而且某幾種火鍋種類仲可以揀湯底，其中南瓜同蕃茄更加係每日新鮮餚製，由米之蓮星級廚師研製及改良味道，枱上更加有一堆醬料，但其實火鍋已經好夠味，未有用到醬料嘅需要。與友人分別叫左小海鮮鍋配南瓜湯底同安格斯牛鍋配麻辣湯底，再加一杯綠茶同青檸梳打。火鍋方面份量十足，一上枱已經有一堆基本材料放好係鍋，包括一堆丸、菜同肉。依到嘅丸類非常特別，來自振興嘅，每一粒都係包心丸，味道非常過引，比平時其他餐廳嘅丸用心同好食好多。推介wasabi丸同魚蛋小籠包，味道都好特別。安格斯牛肉鍋配麻辣湯依到嘅麻辣湯比平時食到嘅特別，冇咁辣，比較容易入口，牛肉比一般火鍋店高質唔會好肥，而且新鮮嫩滑，同麻辣湯底十分夾，而且依到嘅溫底十分濃，食
首先，裝修方面，一入餐廳完全唔似火鍋店，一堆燈嘅設計十分特別，而且座位闊落舒服，店亦寬敞，適合同一堆朋友嚟聚會傾計。
依到係主打一人一鍋，可以自己揀湯底同火鍋種類，餐廳對於依方面十分有誠意，種類方面由local啲牛肉、海鮮火鍋到韓國部隊鍋，日本嘅壽喜燒都有，而且某幾種火鍋種類仲可以揀湯底，其中南瓜同蕃茄更加係每日新鮮餚製，由米之蓮星級廚師研製及改良味道，枱上更加有一堆醬料，但其實火鍋已經好夠味，未有用到醬料嘅需要。
與友人分別叫左小海鮮鍋配南瓜湯底同安格斯牛鍋配麻辣湯底，再加一杯綠茶同青檸梳打。
火鍋方面份量十足，一上枱已經有一堆基本材料放好係鍋，包括一堆丸、菜同肉。依到嘅丸類非常特別，來自振興嘅，每一粒都係包心丸，味道非常過引，比平時其他餐廳嘅丸用心同好食好多。推介wasabi丸同魚蛋小籠包，味道都好特別。
安格斯牛肉鍋配麻辣湯
依到嘅麻辣湯比平時食到嘅特別，冇咁辣，比較容易入口，牛肉比一般火鍋店高質唔會好肥，而且新鮮嫩滑，同麻辣湯底十分夾，而且依到嘅溫底十分濃，食到最後仲有陣陣麻辣味。
小海鮮鍋配南瓜湯
友人喉嚨唔係好舒服，所以就叫左個清清地嘅南瓜湯，依個湯底十分濃郁，飲落似平時食西餐會飲到嘅南瓜湯，十分鮮甜。海鮮方面份量十足，一上枱時係密鋪哂成個鍋，包括有虎蝦，蠔，帶子，青口等，亦有配埋一堆招牌嘅丸類，海鮮整體嚟講新鮮唔會腥同冇雪味，蝦同帶子更加係十分鮮甜。
火鍋仲可以揀配飯定薯粉，我同友人都揀左薯粉，我嘅麻辣湯配薯粉係頂級，但友人嘅南瓜湯配薯粉食起嚟味道都好特別同夾，不過食到最後都幾辣同幾大份原來都，所以細食嘅朋友海鮮鍋揀細份量都ok。
一人一鍋係香港都十分普遍，但煮道對於每個細節都十分用心，而且湯底選擇很多又健康，十分推薦大家去試下。
張貼
