宮葉 パフェ (已結業)

喺牛頭角見到呢間餐廳都有一段時間，鋪頭門口都算突出，用淺色木版做門面裝飾加上大大隻日本字，好難睇唔到。今日就嚟試吓佢個甜品先。我哋叫咗一個抹茶雪糕mix, 另外叫咗一個有蕨餅，小丸子，抹茶雪糕啫喱嘅甜品。本身諗住成＄50 一個抹茶雪糕mix 唔係好抵，但嚟到嗰時勁大杯，超級surprise。又有水果，雪糕，蕨餅，小丸子，咩都有。味道方面覺得個雪糕唔會超甜又好有茶味，個人十分喜歡，但小丸子就比較硬又唔QQ。蕨餅就一般水準。服務方面，有待改善。個侍應禮貌真係好麻麻，叫咗佢幾次落單都冇反應，想飲水果茶問一下係唔係用膠杯裝，一句飛埋黎話冇晒啦，都幾rude。