影片
更多
2019-03-17
61 瀏覽
16/3/2019 @柴灣 柴門今日專登過去柴灣搵男朋友食飯，諗住獎勵下佢呢排咁辛苦工作，帶咗佢去一間幾有情調嘅西餐廳，係位於工厦裏面入到去店員好細心幫我地安排座位，坐低左之後發現原來餐廳嘅牆壁都掛滿左好多唔同嘅畫，畫得好靚睇到個餐牌見到好多嘢都好想食，男朋友就話不如我哋叫唔同嘅嘢食一齊share，於是就揀咗個意粉同埋三文魚主菜嚟之前店員送上餐湯同埋前菜，個沙律裏面原來有啲海鮮，本來我唔太鍾意食沙律醬，但今次呢間餐廳用既汁調味得幾好，同海鮮、菜幾配合。至於個湯係我最鍾意嘅忌廉湯，個湯一啲都唔稀，好味到連男朋友嗰碗都想飲埋主菜終於嚟到喇，首先有三文魚，呢個三文魚煎得啱啱好，煎晒啲魚油出嚟，食落一啲都唔膩，而且仲冇乜骨，啖啖肉啱晒我之後有呢個燒大蝦帶子意大利麵，配埋我最鍾意嘅番茄汁，隻蝦真係幾大隻，食落去好彈牙，而帶子同意大利麵都煮得啱啱好，有咬口得黎又唔會太硬最後要埋個甜品，店員介紹咗是日甜品，係牛乳布甸配新鮮芒果，芒果嘅份量雖然唔係太多，但係好甜。至於牛乳布甸，一食落去成個口都係牛奶味，牛乳味道好純同布甸夠滑溜，好想再encore要多杯今餐飯真係食得好滿足，冇諗過柴灣呢個地方都會有呢款
今日專登過去柴灣搵男朋友食飯，諗住獎勵下佢呢排咁辛苦工作，帶咗佢去一間幾有情調嘅西餐廳，係位於工厦裏面
入到去店員好細心幫我地安排座位，坐低左之後發現原來餐廳嘅牆壁都掛滿左好多唔同嘅畫，畫得好靚
睇到個餐牌見到好多嘢都好想食，男朋友就話不如我哋叫唔同嘅嘢食一齊share，於是就揀咗個意粉同埋三文魚
主菜嚟之前店員送上餐湯同埋前菜，個沙律裏面原來有啲海鮮，本來我唔太鍾意食沙律醬，但今次呢間餐廳用既汁調味得幾好，同海鮮、菜幾配合。至於個湯係我最鍾意嘅忌廉湯，個湯一啲都唔稀，好味到連男朋友嗰碗都想飲埋
主菜終於嚟到喇，首先有三文魚，呢個三文魚煎得啱啱好，煎晒啲魚油出嚟，食落一啲都唔膩，而且仲冇乜骨，啖啖肉啱晒我
之後有呢個燒大蝦帶子意大利麵，配埋我最鍾意嘅番茄汁，隻蝦真係幾大隻，食落去好彈牙，而帶子同意大利麵都煮得啱啱好，有咬口得黎又唔會太硬
最後要埋個甜品，店員介紹咗是日甜品，係牛乳布甸配新鮮芒果，芒果嘅份量雖然唔係太多，但係好甜。至於牛乳布甸，一食落去成個口都係牛奶味，牛乳味道好純同布甸夠滑溜，好想再encore要多杯
今餐飯真係食得好滿足，冇諗過柴灣呢個地方都會有呢款西餐廳
張貼
