鮮薈海鮮吧 (已結業)

本身係原全未聽過呢間野～莫講話expectation! 係咁啱個best friend想喺果道攪生日，就試下啦～誰不知，有驚喜！！環境：我地係坐樓上，半露天既環境，陣陣涼風～燈光暗暗地真係啱啱好~食物：叫左都幾多野食一其中有驚喜既有 (迷你海鮮拼盤) + (歐洲大閘蟹)(迷你海鮮拼盤) 件件都好新鮮，迷你得嚟份量又剛剛好! 不過，其實大食既我，再嚟多一盤我都食得哂! (歐洲大閘蟹) 我一向都係食開大陸既大閘蟹，不過，正因為咁，第二個驚喜就發生左喇！佢竟然有好多膏!!! 比起大陸既大閘蟹，佢D肉的確係鮮甜D！重點係~ 我食五両蟹, 真係足五両, 而平時食嗰啲大陸蟹, 買5両蟹只係食到3,4両 服務：令我最窩心既係~ waiter見我地食完大閘蟹，就走埋嚟問我地，需吾需要食返杯薑茶！！總括：如果有一間氣氛好，食物又好食，又有貼心服務既！係絕對值得我介紹俾大家！