十十川滬料理 (已結業)

旺角朗豪坊川菜，款式多樣，環境簡約舒服。今次我哋就揀咗個晚市二人餐，菜式相當豐富。花雕醉雞，有酒香。乾煸四季豆，經典川菜，好食！胡麻醬秋葵，齋睇唔麻醬嘅顏色就知佢唔係一般日式店嗰種常見麻醬，係比較中式偏向鹹，而唔係日式偏甜嗰種，應該有加入花生醬，口味較濃郁濃稠，好味。涼拌萵筍絲，越係簡單嘅菜式越見功夫，望落去清清淡淡，但佢嘅味道一啲都唔單調，應該有加入薑汁，食落非常清爽，食完仲想食多碗。鮑魚腌篤鮮，呢道菜都好有驚喜，我自己覺得鮑魚唔係重點，湯底先係，食得出真係有真材實料，而唔係味精湯，但溫馨提示要趁熱飲，凍咗真係爭好遠。松子糖醋骨黃金小籠包，黃金味唔重。上海炒年糕鮮奶賽螃蟹，唔係好食到鮮奶同螃蟹嘅味道，蛋白味較出。熱桃膠小丸子，大大碗。整體每道菜口味都偏淡，用心製作，最推介涼拌萵筍絲、鮑魚腌篤鮮，兩者味道出色，出面比較少見。