瑪麗蓮美國餐廳 (已搬遷) 新店位置

今日出咗嚟花墟度買年花行過見到呢間西餐廳細細間，但係逼滿人心諗一定係好嘢！Lunch set分咗是日精選午餐同呢間餐廳嘅經典菜色，精選午餐比較輕量d, 今日我就揀咗精選午餐中嘅三文魚茄蓉意粉！上枱熱辣辣，新鮮煮好！上面有一塊煙三文魚，下面嘅茄蓉意粉好好味，同我印象中普通西餐廳嘅茄蓉意粉好唔同！唔係一般開罐頭嘅茄蓉炒2下就上碟果d，呢個好味好多！意粉亦煮得啱啱好，唔會太淋唔會太硬！分量亦好夠！食完好滿足！跟餐仲包一杯餐飲，我今日叫咗杯咖啡，店主仲好細心等我食飽先上咖啡，保持咖啡嘅熱度！咖啡仲好香濃！☕️食飽即刻充滿力量😍下次嚟要試埋其他經典菜色先得！