Hungry Monkey (海之戀商場) (已結業)

地鐵行過嚟唔使淋雨，出口直達，和朋友來個Happy Friday直落海鮮串燒宴！由於我們坐在吧枱，店員會幫我們用手機影頭頂上的餐牌。辣酒東風螺微微的辣味配上東風螺煙煙韌韌，是好吃醒胃的下酒菜。蒜子漬搣開一粒粒，醃製後少少酸少少鹹，好開胃，咬落去清脆爽口，不過食完有啲口臭。龍蝦是現場先選一隻，新鮮拿出來，一分為二慢慢燒烤，完成後沾上海膽醬，再用火槍彈一彈。味道聞落去很香濃，吃落口的時候海膽醬鮮甜，龍蝦本身質地結實彈牙，而且新鮮的鮮味好吸引！廣島燒做得很精緻，有子薑和紫菜做配料，即叫即做始終係吸引的。A5和牛脂炒飯很多粒肥脂肪充滿牛香味，如果脂肪粒切得更加細和稍稍爆香就更加惹味！鐵板帆立貝肥美大粒，煎得剛好軟熟，又有肉汁，好正！雜果日式疏乎厘班戟脹卜卜充滿口感，加上鮮雜果做飯後甜品一流。