葡匯咪走雞葡國餐廳 (已結業)

呢次係約左成個月嘅生日9月聚會，大家都好繁忙所以夾到時間已經去到9月尾先食呢一餐遲來嘅生日飯。香港嘅葡國餐廳真係唔算多，友人推介食呢間葡國菜，而且呢度嘅乳豬好像都幾出名，所以友人訂枱嘅時候已經預早落定order，費事到時想食又無得食。我地三個人既然已經預留左個乳豬所以都唔敢再叫太多野，只係再叫多三樣：白汁煙肉蘑菇意粉、蒜蓉炒雜菜以及蘋果批配雪糕。先上枱嘅係白汁煙肉蘑菇意粉，雖然望落個樣唔算特別好，不過好足料。佢嘅白汁唔算太奶，又唔會太稀，意粉嘅軟硬度適中，葡國菜有意粉食，都幾特別。之後再嚟就係蒜蓉炒雜菜，原來雜菜主要係西蘭花、瓜類咁，蒜蓉炒感覺清清地，食落亦都唔太油，係健康之選。食住等乳豬我諗我地都等左起碼半個鐘左右隻1/4嘅乳豬先上枱，好野應該係要等耐d嘅！原來1/4隻乳豬本身都有配飯，而佢嘅乳豬係葡式制法嘅乳豬，唔似廣式燒味嘅乳豬咁樣。1/4乳豬有4件，肉好厚好大份，皮有少少脆，唔會太鹹。乳豬肉亦都好嫰，唔洗去澳門都可以食到呢種葡式嘅乳豬實在太幸福了。跟乳豬嘅飯好惹味，配乳豬一齊食都幾夾。最後，食完乳豬飯再加嘅蘋果批配雪糕，蘋果批唔太甜，暖暖嘅蘋果批加冰凍嘅雪糕，果然係絕配啊！美味