影片
更多
2022-08-02
372 瀏覽
Weekend同朋友出嚟飲杯嘢，隨便喺酒吧街閒逛下揀咗呢間外表工業風嘅酒吧。一入門口就俾呢面充滿溫度嘅壁畫吸引住，同門面對比鮮明，頗有異國風情。我最喜歡嘅mocktail選擇好多，朋友今晚揸車所以亦陪我飲mocktail，而且今晚晚餐大家都唔係食得好多，正好叫啲小食，呢度嘅食物選擇唔少，而且價錢相宜。Buffalo Wings係經典嘅味道，酸甜香辣嘅hot sauce緊緊咁包裹住嫩滑嘅雞翼，作為小食非常出色。炸薯條出奇地大份，完全係要當正餐嘅節奏，即叫即炸，入口酥脆，沾上黑松露醬更加香口，兩個人竟然輕鬆完成！蒜油蝦多士同我哋相像嘅完全唔同，但亦係最令我哋喜出望外嘅一道！蒜油汁香氣撲鼻，配上彈牙嘅蝦肉同香脆嘅多士，絕對係完美配搭！記得將多士浸哂入蒜油汁入面！慢煮八爪魚賣相精緻，入口鬆軟，咀嚼之下鮮味慢慢釋放，伴碟嘅沙律亦睇得出下過工夫，酸酸甜甜，別有風味。Passion dream加入熱情果、薄荷、菠蘿同橙汁，入口熱情果同薄荷嘅味道好突出，酸甜清爽，非常適合夏天。Blue sunset用蝶豆花配上香茅，非常之有泰式風味，入口味道較淡，清新解渴。本來一心諗住入嚟飲嘢傾下計，估唔到酒吧嘅食物
Weekend同朋友出嚟飲杯嘢，隨便喺酒吧街閒逛下揀咗呢間外表工業風嘅酒吧。
一入門口就俾呢面充滿溫度嘅壁畫吸引住，同門面對比鮮明，頗有異國風情。
我最喜歡嘅mocktail選擇好多，朋友今晚揸車所以亦陪我飲mocktail，而且今晚晚餐大家都唔係食得好多，正好叫啲小食，呢度嘅食物選擇唔少，而且價錢相宜。
經典美式水牛城雞翼
$68
14 瀏覽
0 讚好
0 留言
Buffalo Wings係經典嘅味道，酸甜香辣嘅hot sauce緊緊咁包裹住嫩滑嘅雞翼，作為小食非常出色。
MOZZ黑松露醬薯條
$58
9 瀏覽
0 讚好
0 留言
炸薯條出奇地大份，完全係要當正餐嘅節奏，即叫即炸，入口酥脆，沾上黑松露醬更加香口，兩個人竟然輕鬆完成！
西班牙蒜油蝦配多士
$78
6 瀏覽
0 讚好
0 留言
西班牙蒜油蝦配多士
$78
8 瀏覽
0 讚好
0 留言
蒜油蝦多士同我哋相像嘅完全唔同，但亦係最令我哋喜出望外嘅一道！蒜油汁香氣撲鼻，配上彈牙嘅蝦肉同香脆嘅多士，絕對係完美配搭！記得將多士浸哂入蒜油汁入面！
慢煮西班牙八爪魚
$178
7 瀏覽
0 讚好
0 留言
慢煮西班牙八爪魚
$178
6 瀏覽
0 讚好
0 留言
慢煮八爪魚賣相精緻，入口鬆軟，咀嚼之下鮮味慢慢釋放，伴碟嘅沙律亦睇得出下過工夫，酸酸甜甜，別有風味。
Passion Dream
$68
6 瀏覽
0 讚好
0 留言
Passion dream加入熱情果、薄荷、菠蘿同橙汁，入口熱情果同薄荷嘅味道好突出，酸甜清爽，非常適合夏天。
Blue Sunset
$58
5 瀏覽
0 讚好
0 留言
本來一心諗住入嚟飲嘢傾下計，估唔到酒吧嘅食物咁出色，係每一道都一致嘅好評，特別係蒜油蝦，真心推薦俾嚟酒吧街搵食嘅朋友仔！
張貼
