Second Bite Bar & Grill (已結業)

又到朋友既慶生飯 今次就揀左間幾靚既西餐廳 望落幾舒適 又可以坐得耐 慢慢傾下計😆餐廳食物既選擇都幾多 仲有懷舊系列既鐵板餐🧐呢份頂級巨型牛肩肉眼扒餐真係好巨型好大份 肉質尚好 小小彈牙 不過煮得比預期中熟😂是日餐湯同餐包好味 牛角包好鬆脆 正🤤最驚喜係居然有燉檸檬蜜 真係好特別🤣黑松露野菌燉飯都唔錯 份量多 味道又幾好 黑松露味濃 有小小creamy 又有好多菇👍另外都點左兩份小食 分別係炸雙色薯條同埋招牌炸蝦春卷😆炸雙色薯條 有普通薯條同番薯條 可以同時食到兩款 一次滿足兩個願望 哈哈😜而炸蝦春卷不愧為招牌 真係好好味 好足料 食到粒粒蝦肉 我地一致推薦😍 而呢杯鳳梨可達都幾好飲 甜甜地 菠蘿味濃 又有小小椰子味 好正🤤