影片
更多
2012-07-26
56 瀏覽
六人以上先接受電話訂位，我地四個人惟有收工即閃，六點四十五分到左，仲係有好多位，唔駛等，我地仲有卡位坐添。本來一心想來試雞煲，但唔嗜蔥既同事見到個雞煲有佢最唔鍾意既紫洋蔥，即時有保留，我地問侍應可唔可以走蔥，佢話全部都可以走，不過味道就可能無咁好了。我地都明，唔緊要啦，大家決定唔食雞煲，叫湯底打邊爐。原來雞煲以外，湯底都有好多選擇，一般既芫茜、沙爹、鴛鴦固然有，另外亦都有有料湯鍋，豬骨、花膠、豬肚、海鮮、花蟹等等，個名都好吸引字，我地最後叫左「澳門豬骨鍋」，不得了！首先佢個賣相已經好討人鍾意，擺到靚一靚咁，仲要有兩大舊多肉豬骨，粟米(超甜)、紅蘿蔔、蘿蔔、杞子同淮山，十分之豐富，因為上台既時候係生生地的，所以要等一陣清左d湯料先開始淥野。男同事負責ko件大豬骨，佢話食完已經飽左三成！大家都試左d豬骨，真係好入味，又夠腍，而且豬骨面有少許胡椒同香料調味，簡直係我食過最好味既豬骨鍋！食左1/2個鍋，又唔駛擔心個湯無野淆，因為仲有好多豬白骨係底可以淆全程。唔單止咁，佢地唔係加水，係加湯，見你食到咁上下，佢就係放定壺湯俾我地自己加，食呢個鍋真係好滿足，食到最後d料依然好味！國肥牛：d牛好口感好
本來一心想來試雞煲，但唔嗜蔥既同事見到個雞煲有佢最唔鍾意既紫洋蔥，即時有保留，我地問侍應可唔可以走蔥，佢話全部都可以走，不過味道就可能無咁好了。我地都明，唔緊要啦，大家決定唔食雞煲，叫湯底打邊爐。原來雞煲以外，湯底都有好多選擇，一般既芫茜、沙爹、鴛鴦固然有，另外亦都有有料湯鍋，豬骨、花膠、豬肚、海鮮、花蟹等等，個名都好吸引字，我地最後叫左「澳門豬骨鍋」，不得了！
[IMG:1
]首先佢個賣相已經好討人鍾意，擺到靚一靚咁，仲要有兩大舊多肉豬骨，粟米(超甜)、紅蘿蔔、蘿蔔、杞子同淮山，十分之豐富，因為上台既時候係生生地的，所以要等一陣清左d湯料先開始淥野。男同事負責ko件大豬骨，佢話食完已經飽左三成！大家都試左d豬骨，真係好入味，又夠腍，而且豬骨面有少許胡椒同香料調味，簡直係我食過最好味既豬骨鍋！食左1/2個鍋，又唔駛擔心個湯無野淆，因為仲有好多豬白骨係底可以淆全程。唔單止咁，佢地唔係加水，係加湯，見你食到咁上下，佢就係放定壺湯俾我地自己加，食呢個鍋真係好滿足，食到最後d料依然好味！
國肥牛：d牛好口感好，一d都唔韌，厚薄剛剛好，都算大塊，配個湯底真係無得呀！芝士腸：呢樣無咩特別~
白菜：夠新鮮！好青綠！
炸腐皮：都好大碟下，比一般響鈴大件，好香脆。正！薯仔：新鮮、好粉，切得好平均，不錯。
雙滑 (蝦+墨魚)：真係彈牙又新鮮，食到有墨魚粒 (雖然食唔到蝦粒~)！好味~~
豬膶：份量頗多，食完滯滯地，覺得唔係好靚，無咩膶味。豬腰：看得見的新鮮！好爽！十個正！
雲吞+水餃：算係比較失色，好細隻，入面無咩料，得少少咁多肉，不過入面隻蝦幾爽。蘿蔔：我地唔知個鍋有蘿蔔，其實個鍋已經好多件，好清甜，呢碟蘿蔔最後食唔晒~~
補充一下，入來既時候個侍應話係食兩小時，我地覺得講清楚就無問題，但我地都係食晒d野，近兩個半鐘佢先黎請我地埋單，都ok啦，當時九點幾，全場爆滿，仲有人等緊位。
另外之前見到d食評話服務有問題，但我地都唔覺，覺得佢地都好有禮貌，亦好勤快，要乜要物都無甩過，仲好留意我地加湯既需要添。整體黎講，係十分愉快既打邊爐經驗！ 可以打入我最喜愛的邊爐店既三甲！
張貼
