影片
更多
2024-06-06
497 瀏覽
作為深水埗地膽嘅我最鍾意捐窿捐罅搵人情味小店。朝長沙灣方向一帶 近美居中心就有超多大街小巷低調高手嘅小店。呢間串皇簡直臥虎藏龍！你以為食串燒？唔止～除咗茶餐廳雙拼麵 足料靚湯之外，最屈機嘅係竟然有煲仔飯！仲有蔥爆田雞或者招牌白鱔呢d選擇 真係唔係度度有得食！咁難得梗係整返個白鱔煲仔飯，再加啲串燒過下口癮。煲仔飯上枱後焗3分鐘再打開已經聞到陣陣芹菜芫荽香🤤豉油唔算太多 所以飯粒仲保持乾身 仲有煲仔飯必有嘅飯焦😳🤤白鱔爽口彈牙 非常新鮮。$70嚟講 超高水準👍串燒我哋叫咗秋葵 豆卜翠玉瓜 雞翼 雞軟骨等等。調味剛剛好 不會過鹹 燒得非常惹味。食到一半店員奉上兩碗是日例湯 超足料！係節瓜章魚煲瘦肉 竟然小店仲有人例湯送 真係超有heart，下次經過會回頭。👍👍📍串皇 (深水埗)深水埗福榮街218號美居中心地下63號舖
呢間串皇簡直臥虎藏龍！你以為食串燒？唔止～除咗茶餐廳雙拼麵 足料靚湯之外，最屈機嘅係竟然有煲仔飯！仲有蔥爆田雞或者招牌白鱔呢d選擇 真係唔係度度有得食！
咁難得梗係整返個白鱔煲仔飯，再加啲串燒過下口癮。煲仔飯上枱後焗3分鐘再打開已經聞到陣陣芹菜芫荽香🤤豉油唔算太多 所以飯粒仲保持乾身 仲有煲仔飯必有嘅飯焦😳🤤白鱔爽口彈牙 非常新鮮。$70嚟講 超高水準👍
串燒我哋叫咗秋葵 豆卜翠玉瓜 雞翼 雞軟骨等等。調味剛剛好 不會過鹹 燒得非常惹味。食到一半店員奉上兩碗是日例湯 超足料！係節瓜章魚煲瘦肉 竟然小店仲有人例湯送 真係超有heart，下次經過會回頭。👍👍
📍串皇 (深水埗)
深水埗福榮街218號美居中心地下63號舖
張貼
