Cafe 1950歐陸餐廳 (已結業)

千島海鮮薄餅千島海鮮薄餅似fu係好平平無奇既菜式，本身點佢既時侯都冇抱咩期待，但係食落去既時侯真係處處驚喜。先不論佢味道極香，一尼到聞到就胃口大開，咬落果下，個薄餅底真係非常鬆脆，問過店主，先知原來佢地有高招，係焗之前會係麵團刺番多D隆等佢同空氣有更多接觸，咁當佢發酵果時就做到呢個十分酥脆既效果。另外，上面既芝士十分煙韌，配上佢鮮味十足既海鮮配料，我都忍唔住大讚。千島醬方面就落得略嫌太多，不過整體評分真係5粒星!蜜糖芥醬雞軟骨蜜糖芥醬雞軟骨，呢味菜聽到都覺得新奇，鍾意試新野既我又點會錯過呢。雞軟骨炸得剛剛好，唔似我之前食過既炸得太耐過硬，呢度既雞軟骨就非常好咬口，口感十足。佢既蜜糖芥醬係秘製既，自己調配，係出面我都冇試過呢種味道，佢既蜜糖好甜美，係比較鮮甜果皇，平日有食開蜜糖既朋友應該明係邊種，然後個芥醬係成個菜式既highlight，口味溫和既蜜糖加上左刺激味覺既芥醬，令成個層次唔同哂，極度refreshing，真係不得不試。