影片
更多
2019-07-10
67 瀏覽
雞煲放題@$258 每位尋晚放工朋友無啦啦提議去食雞煲～😓心諗我地都唔食辣而且熱屎辣辣咁食咩雞煲？！但係見間嘢喺屋企附近就半推半就咁去試下～🤷🏻♀一坐低店員就擺低兩隻醉雞腳，好啱呢個咁熱既天氣食😚😲估唔到佢地既地方都幾寬敞，唔會同隔離枱太近，坐得幾舒服而且佢話係無限時😲👍🏻👍🏻食完雞煲仲可以任食打邊爐配料！即刻精神為之一振，睇下有咩食先！我地唔食辣咁老公就叫咗個秘製椰香雞煲😲聽到個名唔知點解諗起葡國雞嗰種勁多椰汁但係個煲嚟到我反而聞到好香既泰國香料味，椰汁反而係似椰子煲雞嗰種清香！等到漏斗倒數完就食得😋再加啲青檸果然真係佢地講既泰式感覺，個煲入面啲芋頭同粟子煲到好淋好入味👍🏻但係食雞煲最重要就梗係隻雞啦，餐廳選用芝麻雞，雞肉好嫩滑，煲耐啲等雞肉索多啲湯底先食仲正！食完個雞煲真係齒頰留香，而且不得不提既係呢度既員工都幾有禮貌同笑容😊😂見我地食完雞煲仲主動同我地講雖然個煲可以就咁加豬骨湯再打邊爐，但係都可以轉蕃茄粟米豬骨湯～咁我地又試下啦😆雖然蕃茄湯底無椰香嗰個咁驚艷，但係打邊爐嚟講呢個湯底清清地反而仲食到配料既原味店員先擺低一set火鍋拼盤，食完唔夠仲可以再
雞煲放題@$258 每位
尋晚放工朋友無啦啦提議去食雞煲～😓心諗我地都唔食辣而且熱屎辣辣咁食咩雞煲？！但係見間嘢喺屋企附近就半推半就咁去試下～🤷🏻♀
一坐低店員就擺低兩隻醉雞腳，好啱呢個咁熱既天氣食😚😲估唔到佢地既地方都幾寬敞，唔會同隔離枱太近，坐得幾舒服而且佢話係無限時😲👍🏻👍🏻食完雞煲仲可以任食打邊爐配料！即刻精神為之一振，睇下有咩食先！
我地唔食辣咁老公就叫咗個秘製椰香雞煲😲聽到個名唔知點解諗起葡國雞嗰種勁多椰汁但係個煲嚟到我反而聞到好香既泰國香料味，椰汁反而係似椰子煲雞嗰種清香！
等到漏斗倒數完就食得😋再加啲青檸果然真係佢地講既泰式感覺，個煲入面啲芋頭同粟子煲到好淋好入味👍🏻但係食雞煲最重要就梗係隻雞啦，餐廳選用芝麻雞，雞肉好嫩滑，煲耐啲等雞肉索多啲湯底先食仲正！
食完個雞煲真係齒頰留香，而且不得不提既係呢度既員工都幾有禮貌同笑容😊😂見我地食完雞煲仲主動同我地講雖然個煲可以就咁加豬骨湯再打邊爐，但係都可以轉蕃茄粟米豬骨湯～咁我地又試下啦😆
雖然蕃茄湯底無椰香嗰個咁驚艷，但係打邊爐嚟講呢個湯底清清地反而仲食到配料既原味
店員先擺低一set火鍋拼盤，食完唔夠仲可以再任叫火鍋配料
拼盤既肉類有安格斯牛肉同西班牙黑毛豬，兩款都有肉味同唔肥😋幾好味～但係我最鍾意既反而係佢地個極級丸類六天王😂😁個名一啲都無浮誇，每款丸都好彈牙同好新鮮，完全唔係平時任食火鍋既質素!
食完個雞煲同拼盤都飽喇😲呢度既蔬菜，甜品同飲品都係任食任飲，加$20仲可以任飲啤酒，但係我就揀飲多幾杯佢地既自家製菊花蜜清下熱氣😉總括嚟講我地對今次既用餐都好滿意～下次可以帶埋屋企人過嚟再試下其他款既雞煲
🍽7/10
張貼
