影片
更多
2022-10-14
367 瀏覽
香港人掛住鄉下已經去到瘋狂嘅地步, 車車都食多左Omakase😆😆 難得今日放假, 打第3針前緊係要食得開心同飽飽, 位於銅鑼灣駱克駅嘅Minori非常鄰近地鐵站一出就到, 上到去會見到一列吧枱, 座位寛闊, 坐得幾舒服! 車車同朋友揀左Chef Special Omakase, 由圖師傅主理, 相當期待 🌟先付擺盤相當精緻, 和式盒子入面裝住3款前菜分別係南瓜豆腐, 日本黑梅貝同梅酒蕃茄! 涼涼地嘅南瓜豆腐入口綿滑細緻富香濃豆味帶南瓜嘅香甜, 日本黑梅貝（香港叫東風螺）味道鮮甜口感爽脆多汁, 梅酒蕃茄上面擺有少量菊花花瓣, 咬落去爆汁, 帶點梅香味, 味道酸酸甜甜, 尾段帶陣陣菊花清香, 好好味! 食完前菜已經對之後嘅菜式滿懷期待 🌟北海海松葉蟹刺身先將蟹殼煲湯, 之後加入蟹肉做成蟹凍, 最後放上蟹膏, 一入口蟹凍慢慢係口腔中溶化, 食落清甜鮮味🌟北海道真蠔師傅先將蠔肉一分為二將入面嘅海水流走令味道唔會偏咸, 上面加上酸汁啫喱同清香嘅紫蘇花冧, 食落蠔邊爽脆, 蠔身味道濃郁, 口感超級creamy 🌟北海道鮭魚筋子自家醃製原條筋子, 一粒連一粒再加上wasabi, 筋子圓潤飽滿, 呈
🌟先付
擺盤相當精緻, 和式盒子入面裝住3款前菜分別係南瓜豆腐, 日本黑梅貝同梅酒蕃茄! 涼涼地嘅南瓜豆腐入口綿滑細緻富香濃豆味帶南瓜嘅香甜, 日本黑梅貝（香港叫東風螺）味道鮮甜口感爽脆多汁, 梅酒蕃茄上面擺有少量菊花花瓣, 咬落去爆汁, 帶點梅香味, 味道酸酸甜甜, 尾段帶陣陣菊花清香, 好好味! 食完前菜已經對之後嘅菜式滿懷期待
🌟北海海松葉蟹刺身
先將蟹殼煲湯, 之後加入蟹肉做成蟹凍, 最後放上蟹膏, 一入口蟹凍慢慢係口腔中溶化, 食落清甜鮮味
🌟北海道真蠔
師傅先將蠔肉一分為二將入面嘅海水流走令味道唔會偏咸, 上面加上酸汁啫喱同清香嘅紫蘇花冧, 食落蠔邊爽脆, 蠔身味道濃郁, 口感超級creamy
🌟北海道鮭魚筋子
自家醃製原條筋子, 一粒連一粒再加上wasabi, 筋子圓潤飽滿, 呈半透明, 粒粒橙橙黃黃, 筋子經醃製後仍舊保留淡淡嘅咸香味，入口後滲出點點魚油甜香, 鮮香味美
🌟北海道鮟鱇魚肝
鮟鱇魚肝先慢煮再打成蓉放係再放係米通上, 鮟鱇魚肝綿密軟滑, 加上脆卜卜嘅米通食落口感豐富, 十分滋味
🌟長崎對馬吞拿魚
同一時間品嘗吞拿魚三個主要部份赤身／中拖羅同大拖羅, 師傅先將吞拿放係用蒜浸過豉油,
而大拖羅採用備長炭即場乾式熟成令多餘水份蒸走（車車真係睇表演咁睇😯）, 三塊夾埋一齊後配搭紫蘇葉同山葵漬, 由口感較為紮實嘅赤身到油脂豐腴嘅大拖羅, 三重滋味係口腔中一下子係味蕾爆發, 相當驚喜
🌟燒馬友（午仔魚）
新鮮燒嘅馬友香氣四溢, 人口外脆內軟, 魚油豐富且甘香, 魚肉嫩滑, 沾上檸檬汁味道極佳
🌟北海道牡丹蝦
牡丹蝦上面放上蟹膏, 再使用赤醋浸過嘅壽司飯, 食落蝦肉爽彈鮮甜
🌟北海道釧路秋刀魚
時令當造嘅秋刀魚魚味濃郁鮮味, 加少少蔥已經好好味
🌟目光魚
一條目光魚整一件壽司, 先用備長炭燒過, 迫哂d油脂出嚟, 入口半溶富油香, 口感滑溜, 超正
🌟北海道秋鮭
正直產卵季節, 所以魚會向上流游走, 肌肉結實, 肉質豐厚, 加左少許薑調味
🌟北海道馬糞海膽壽司
海膽壽司包左香脆紫菜, 食落鮮甜又creamy
🌟麵豉湯
熱辣辣嘅麵豉湯係車車最愛, 入面仲有口感滑溜嘅菇菇
🌟甜品
連甜品都做得咁精緻真係好抵讚, 香印提子配梅酒啫喱同紅豆芝麻大福又一驚喜, 清甜嘅香印提子加上帶淡淡酒香嘅梅酒啫喱有解膩清口腔作用, 夏天食更爽, 紅豆芝麻大福甜而不膩為午餐劃上完滿嘅句號
張貼
