影片
更多
2022-12-20
77 瀏覽
Happy Friday去尖沙嘴搵好嘢食，朋友帶咗我去一間日式居酒屋飲杯嘢同食晚餐🏮佢哋嘅裝修睇得出好有心思，牆上貼滿清酒瓶嘅貼紙，座位亦都幾闊落舒服，店員仲好有心機咁推介佢哋嘅時令menu，見到好多菜式都幾新穎，所以我哋都叫咗幾道時令菜式試試～-鮟鱇魚肝講到冬天時令菜式當然要叫鮟鱇魚肝啦～ 食落質感幾creamy有啲似鵝肝，味道唔腥配埋醬汁酸酸地咁幾開胃😗-特上專司拼盤拼盤包括有多款時令壽司，包括海膽、拖羅、帶子、大蝦、三文魚籽等，非常豐富，每件魚生都非常新鮮足料。一件海膽壽司上面竟然足足放咗兩排海膽肉，食落勁新鮮一啲都唔苦好鮮甜，拖羅就一咬落油香十足入口即溶，呢個質素真係非常驚喜🥹-梅子炸沙甸魚呢款小食都係時令菜式，係紫蘇葉夾住沙甸魚肉嘅天婦羅，食落外脆內軟，沙甸魚一啲都唔腥反而幾鮮甜😋-鰤魚汁燒鰤魚我都係第一次食，食落口感有啲似牛肉，味道好鮮甜冇腥味，而白蘿蔔亦好甜完全冇筋。-黑豚脯西京燒平時西京燒都係配魚肉，今次第一次食豚肉西京燒，豚肉味道非常惹味，令人食唔停口，送酒一流呀🍶-魚湯稻庭烏冬最後當然要叫最人氣嘅魚湯烏冬啦～ 望落好普通但估唔到食落好驚艷！魚湯非常鮮甜好濃郁，烏冬就
-
鮟鱇魚肝
講到冬天時令菜式當然要叫鮟鱇魚肝啦～ 食落質感幾creamy有啲似鵝肝，味道唔腥配埋醬汁酸酸地咁幾開胃😗
-
特上專司拼盤
拼盤包括有多款時令壽司，包括海膽、拖羅、帶子、大蝦、三文魚籽等，非常豐富，每件魚生都非常新鮮足料。一件海膽壽司上面竟然足足放咗兩排海膽肉，食落勁新鮮一啲都唔苦好鮮甜，拖羅就一咬落油香十足入口即溶，呢個質素真係非常驚喜🥹
-
梅子炸沙甸魚
呢款小食都係時令菜式，係紫蘇葉夾住沙甸魚肉嘅天婦羅，食落外脆內軟，沙甸魚一啲都唔腥反而幾鮮甜😋
-
鰤魚汁燒
鰤魚我都係第一次食，食落口感有啲似牛肉，味道好鮮甜冇腥味，而白蘿蔔亦好甜完全冇筋。
-
黑豚脯西京燒
平時西京燒都係配魚肉，今次第一次食豚肉西京燒，豚肉味道非常惹味，令人食唔停口，送酒一流呀🍶
-
魚湯稻庭烏冬
最後當然要叫最人氣嘅魚湯烏冬啦～ 望落好普通但估唔到食落好驚艷！魚湯非常鮮甜好濃郁，烏冬就煙韌彈牙，味道令人難忘🥹
-
另外提提大家，佢哋而家做緊超抵優惠呀🤩佢哋做緊全單九折，亦可以試試串燒廚師發板(七款$499)，會有前菜、魚湯烏冬同大生啤一杯～
張貼
