鰻喜 (已結業)

通常喺香港食幾十蚊份嘅鰻魚飯，都只係食到下價急凍大陸鰻魚，又削又韌。所以我本身對哩間喺日式超市嘅外賣店本身都無乜寄望，點知試過就知原來我錯了。由於只做外賣，所以攞到返屋企熱度一定會下降少少，好彩我住附近，十分鐘左右就食到。鰻魚靚唔靚，其實用筷子一夾落去已略知一二，果然入口鬆軟，帶魚油香同炭燒香味，食咗第一啖，我就開始後悔遲咗一年先發現哩個新大陸。好好食呀。皮有脂肪，肉鬆軟，油香肉香汁香炭燒香，連個飯都好食，最後一粒都食埋。我通常食嘢唔會寫食評，但喺無得飛日本嘅日子食得到日本鰻魚飯嘅水準真係又驚喜又感動，點都要寫一次㗎啦。希望哩間舖長做長有啦！