I Leisure (已結業)

I Leisure尖沙咀北京道65至69號環球商業大廈12樓今日收工後出左黎尖沙咀試呢間人氣好高既酒吧餐廳，地點非常方便係正Isquare既正對面，之所以揀呢間餐廳主要係比呢到既Shake Shake海鮮袋吸引左，因為從來未試過，而且見係網上面絕大部份既食評都好正面，所以一於過黎試下Shake shake海鮮袋我地選擇左跟5款海鮮既套餐，分別係揀左鮑魚，海蝦，青口，大元貝，活大蜆，除左基本既海鮮之外，餐廳仲會擺埋粟米同埋司華力腸，然後再撈埋黎自馬來西亞既特色辣汁+蒜蓉，跟住待應會再幫我地shake埋一齊，最後一打開已經覺得好惹味，全部海鮮都沾滿濃郁既醬汁，真係好正。。順帶一提，醬汁既辣度係可以自選既，我地就唔算好食得辣，所以就揀左微辣，感覺岩岩好龍蝦包淨係睇見個造型已經流晒口水啦，係烘到非常香脆既多士入面，夾住青瓜，蕃茄同埋大大嚿嘅龍蝦肉，食落好有口感，絕對係真材實料呀，除此之外，伴碟既薯條份量都好多，而且仲要係即炸熱辣辣架，值得一讚火焰雞翼本身上檯既時候已經砌得好靚仔，跟住待應會係雞翼上面淋上少少酒精再點火，嘩。。真係好靚呀，果然真係名不虛傳，叫<火焰雞翼>，除左好睇