影片
更多
2017-09-08
2055 瀏覽
今日一行三人黎到山道打算求其食，一連住幾間都係西餐，就入左依間嘆住食。店內入手好似幾少，樓面只得一男一女店員，個女既仲要有時入去整甜品，不過整體上服務都算ok，需要幫手時都會搵到人既。三個人點左一個意大利飯，一個意粉，一份扒類同埋一份甜品。輕煎帶子蝦膏蟹肉意大利飯一上枱已經好surprised! 因為佢有三隻大大隻帶子，岩哂我地三個人分。帶子煎得好香，面層煎左有少少好似瑤柱既香味，但入面就係岩岩好熟仲透明個種狀態，好軟。👍👍👍👍飯都可以見到一絲絲蟹肉，有陣鮮甜味，我覺得依個汁唔算太creamy，無甘飽濟呢! 可以食多啖 😂😂羅勒蒜片虎蝦扁意粉個名好似再長啲...已經唔記得左 😂 上枱既時侯幾乎睇唔到意粉，因為有三隻大既蝦蝦蝦! 我從來無食過一間餐廳點虎蝦意粉係會甘捨得比三隻蝦，我個下就決定左我一定要打依個食評 😂😂 仲要係好食既爽口蝦，頭入面既蝦膏我都飲埋，完全唔腥 😶 意粉就係香蒜味 有少少辣，我都食唔出係咩辣味，總之係好食既。羊架經過頭兩個菜，開大左個頭 😂 依份扒類相比量好少，得兩舊。雖然七成熟係好靚既粉紅色，味道同咬口都好好。但個性價比就低左少少啦...成二百蚊，姐係平均一百蚊
店內入手好似幾少，樓面只得一男一女店員，個女既仲要有時入去整甜品，不過整體上服務都算ok，需要幫手時都會搵到人既。
三個人點左一個意大利飯，一個意粉，一份扒類同埋一份甜品。
輕煎帶子蝦膏蟹肉意大利飯
一上枱已經好surprised! 因為佢有三隻大大隻帶子，岩哂我地三個人分。帶子煎得好香，面層煎左有少少好似瑤柱既香味，但入面就係岩岩好熟仲透明個種狀態，好軟。👍👍👍👍飯都可以見到一絲絲蟹肉，有陣鮮甜味，我覺得依個汁唔算太creamy，無甘飽濟呢! 可以食多啖 😂😂
羅勒蒜片虎蝦扁意粉
個名好似再長啲...已經唔記得左 😂 上枱既時侯幾乎睇唔到意粉，因為有三隻大既蝦蝦蝦! 我從來無食過一間餐廳點虎蝦意粉係會甘捨得比三隻蝦，我個下就決定左我一定要打依個食評 😂😂 仲要係好食既爽口蝦，頭入面既蝦膏我都飲埋，完全唔腥 😶 意粉就係香蒜味 有少少辣，我都食唔出係咩辣味，總之係好食既。
羊架
經過頭兩個菜，開大左個頭 😂 依份扒類相比量好少，得兩舊。雖然七成熟係好靚既粉紅色，味道同咬口都好好。但個性價比就低左少少啦...成二百蚊，姐係平均一百蚊一件羊架 😂 下次唔會叫 😂
菠蘿三重奏
見到待應拎住經過即刻追加! 賣相好吸引。我本身都係中意食菠蘿既，依份甜品中間係一大舊菠蘿，唔知係慢煮左定焗，變得好香甜同juicy。見到面層有啲焦糖，點知咬落去更surprised，有椰子味？! 可能係用椰糖黎做焦糖面 🤔🤔🤔 加埋芒果雪糕，成件事夏天到不得了。 側面仲有兩舊用菠蘿茸做既冰，唔同狀態溫度既菠蘿一次食哂 👏👏👏 必點必點
此外，值得一提依度叫main會有湯，跟餐熱飲只係加$5，轉咖啡都係十幾蚊左右。雖然依間餐廳無乜特色飲品，但好少西餐/cafe會做到依個價錢，值得比個like 👍我叫左杯凍檸樂，waitress竟然比我揀要普通定Zero，有甘貼心既options都算係一個小驚喜🤓
P.S. 我見餐廳內有張牌寫住post Facebook會有九折，但我地埋單個陣竟然忘記左 😂 不過每人都只係食左 $190 左右，都算抵食~ (但唔叫個羊架仲抵)
P.S.2 餐廳仲有個dinner set係$158 可以揀埋沙律/頭盤 & 甜品甘樣，不過好多都要補差價 🤔 我有po埋menu 大家可以自己計下數 😂😂
輕煎帶子蝦膏蟹肉意大利飯
$148
113 瀏覽
0 讚好
0 留言
青檸羅勒虎蝦意粉
$138
74 瀏覽
0 讚好
0 留言
羊架
$208
47 瀏覽
0 讚好
0 留言
羊架
$208
37 瀏覽
0 讚好
0 留言
菠蘿三重奏
$48
38 瀏覽
0 讚好
0 留言
張貼
