祝奇餅 (已結業)

之前在八卦報見到陳敏之餅店開張，群星拱照，連志雲大師都捧場，熱鬧非常。收工路過天后駐足一看，店舖裝修耀眼，果然非一般餅店。走進去已有幾𠆤客圍在一起，原來忙於試食，店員熱情招待逐一試味，並不斷推介以法國牛油及食材製造的曲奇。試了幾種少見的味道，較驚喜是蕃茄味及紅莓水果茶口味，前者有陣陣蕃茄及香草味，清新可口，好味！再來一口紅莓水果茶曲奇，甜甜小紅莓配襯微微茶香，與市面一般獨沽只是重口牛油味，差得遠！試膩了，店員還捧上小杯茶，多窩心！原本只想買一小罐試食，但被七彩大罐所吸引，加上可挑選心意卡一張，正好送給好友慶生，怪不得叫"祝祈餅＂！回家打開，令我注目的是炭黑色餅面添上一抹閃金，原來是黑松露口味，撕開小包即湧出一陣陣松露味，感覺好luxurious!下次聖誕、新年送禮又多了一𠆤好選擇，不再被親朋好友話無新意！